যোহন 10:28 - Chakma Bible

²⁸ মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 10:28 ပူးပေါင်းရင်းမြစ်များ

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 31:5

মুই তঅ আঢত্ মঅ আত্মাগান তুলি দিলুং, ও লগেপ্রভু, বিশ্বেজ্ গুরিবার গোজেন, তুয়ই মরে উদ্ধোর্ গোজ্যস্।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গম্ উপদেজ্ 24:16

কিত্তে গোজেন ভক্ত মান্‌‍জ্যে সাত পল্লা পুড়িলেয়ো আরঅ উদে, মাত্তর্ পাজিগুনোর দজা এলে তারা এক্কুবারে ভাঙি পড়ন্।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

মার্ক 13:22

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

লূকে লেখ্যে গম্ হবর্ 23:46

যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।

যোহন 10:29

মঅ বাপ্পো, যিবে মরে সিগুন্ দিয়্যে, তে বেগত্তুন্ দাঙর্। কনজনে বাব আঢত্তুন্ কিজু কাড়ি নি ন-পারন্।

যোহন 11:25

যীশু মার্থারে কলঅ, “মুয়ই পুনরুত্থান্ (জেই উত্তোং) আর জিংকানিগান্। যে মঅ উগুরে বিশ্বেজ্ গরে, তে মল্লেয়ো জেদা অবঅ।

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 18:9

ইয়েন্ ঘুদিলো যেন যীশুর কোইয়্যে এ কধাগান্ পূরোণ্ অয়, “যিগুনোরে তুই মরে দুয়োচ্ তারারে একজনরেয়ো মুই ন-আযাং।”

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:47

মুই তমারে ঘেচ্চ্যেক্‌গুরি কঙর্, যে কেঅ মঅ উগুরে বিশ্বেজ্ গরে তে সেক্কেনে উমর জিংকানি পায়।”

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

প্রেরিত্‌ 7:59

যেক্কে সাক্ষীগুনে স্তিফানরে পাত্তর্ মারদন্ সেক্কে তে তবনা গুরিনে কলদে, “প্রভু যীশু, মঅ আত্মাগানরে গুজি লঅ।”

রোমীয় 5:17

এক্কো মান্‌জ্যর্ পাপত্যে মরণান্ সেই একজনর্ মাধ্যমে রাজাগিরি গরানা আরাম্ভ গোজ্যে। মাত্তর্ যিগুনে জদবদে গোজেনত্তুন্ দোয়্যে আর নিদ্দুজি বিলি তার্ মনপুত অবার্ দান পান্, তারা সেই একজন মান্‌জ্যর, অত্তাৎ যীশু খ্রীষ্টলোই জিংকানির্ ভর্‌পুনোং ওইনে খামাক্কায় রাজাগিরি গুরিবাক্।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 5:9

সালে খ্রীষ্টর্ লো-গান্দোই যেক্কে আমারে নিদ্দুজি বিলি মানা ওইয়্যে সেক্কে আমি খ্রীষ্টর্ মাধ্যমে গোজেনর্ সাজাত্তুন্ খামাক্কায় রেহাই পেবং।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

১ তীমথিয় 1:16

আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।

১ যোহন 5:11

সেই সাক্ষিগান ইয়েন, গোজেনে আমারে উমর্‌অ জিংকানি দিয়্যে আর সেই জিংকানিগান তা পুয়োবো ভিদিরে আঘে।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

যিহূদা 1:21

আমার প্রভু যীশু খ্রীষ্টর্ দোয়্যেগানে যেনে তমারে উমর্‌অ জিংকানিত্ নেযায় সিয়েনরে বাজ্জ্যেইনে তুমি গোজেনর্ কোচ্‌পানাত্ থাগঅ।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।