যোহন 10:27 - Chakma Bible

²⁷ মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

যোহন 10:27 ပူးပေါင်းရင်းမြစ်များ

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 25:12

জোবত্ জামেইবো কলঅ, ‘ঘেচ্চেকগুরি কঙর্, মুই তমারে ন-চিনোং।’ ”

মথি লেখ্যে গম্ হবর্ 7:23

সে পরেদি মুই তারারে কোলুং, মুই তমারে কনদিন্অ ন-চিনোং। পাজি মানুচ্চুন! মঅ কায়-কুরেত্তুন তুমি দূর্ অ।

মার্ক 10:21

ইয়েন্দোই যীশু তা ইন্দি রিনি চেলঅ আর অমকদ কোচ্‌‌‍পেইনে তারে কলঅ, “এক্কান জিনিস তর্ বাগি আঘে। যাহ্, তর্ যিয়েনি আঘে সিয়েনি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মার্ক 8:34

ইয়েনর্ পরেদি তে শিচ্চ্যগুনোরে আর অন্য মানুচ্চুনোরে তা কায়কুরে ডাগিনে কলঅ, “যুনি কেঅ মঅ পধেদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজেদি এজোক্।

লূকে লেখ্যে গম্ হবর্ 13:27

সেক্কে তে কবঅ, তুমি কুত্তুন্ এচ্চ্য মুই হবর্ ন-পাং। পাজি মানুচ্চুন্, তুমি বেক্কুনে মঅ কায়-কুরেত্তুন যগোই।

লূকে লেখ্যে গম্ হবর্ 9:23

সে পরেদি তে বেক্কুনোরে কলঅ, “যুনি কেঅ মঅ পধেদি এবাত্তে চায়, সালে তে নিজো আয়োচ্ মজিম্ ন-চোলোক্; পত্তিদিন নিজো ক্রুশ্‌চান্ বুয়োইনে তে মঅ পিজেদি এজোক্।

যোহন 10:14

“মুয়ই আজল্ ভেড়া গরক্। বাবা যেবাবোত্যে মরে হবর্ পায় আর মুই বাবারে চিনোং সেবাবোত্যেগুরি মুইয়ো মঅ ভেড়াগুনোরে চিনোং আর তারায়ো মরে চিনোন্। মুই মঅ ভেড়াগুনোত্যে মঅ পরাণান্ দুয়োঙর্।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 10:8

মঅ আগেদি যিগুনে এচ্চ্যন্ তারা বেক্কুনে চুর্ আর ডাগেত্, মাত্তর্ ভেড়াগুনে সিগুনোর্ কধা ন-শুনোন্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 21:22

যীশু পিতররে কলঅ, “মুই যুনি চাং ইতে মর্ ফিরি ন-এজানা সং থায়, সিয়েনত্ তর্ কি? তুই মঅ লগে আয়।”

যোহন 5:25

মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

যোহন 8:43

কিত্ত্যে তুমি মঅ কধা ন-বুঝো? সিয়েনর্ কারনান্ ইয়েন্, তুমি মঅ কধানি সোজ্য গুরি ন-পারঅ।

প্রেরিত্‌ 3:23

যে তার কধাগান ন-শুনিবো তারে তা মানুচ্চুনোত্তুন্ এক্কুবারে ভস্ত গরা অবঅ।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

গালাতীয় 4:9

মাত্তর্ ইক্কিনে তুমি গোজেনরে চিন্ন্য; সিয়েনত্তুন্ বরং এ কধাগান কলে ঠিগ্ অবঅ, গোজেনে তমারে চিন্ন্যে। সালে কেধোক্ক্যেন গুরিনে তুমি আরঅ জগদর্ সেই নানান্ বাবোত্যে খেমতা নেইয়্যে আর ন-ফলেদে সুদোম ইন্দি ফিরোর্?

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 3:7

সেনত্যে পবিত্র আত্মাগানে কোইয়্যেদে, “আহ্, এচ্চ্যে যুনি তুমি তা কধালোই কান্ দুয়ো!

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।