যোহন 10:25 - Chakma Bible

²⁵ যীশু জোবত্ কলঅ, “মুই দঅ তমারে কোইয়োং, মাত্তর্ তুমি বিশ্বেজ্ ন-গরঅ। মঅ বাব নাঙে মুই যেদক্কানি কাম্ গরং সিয়েনিয়ো মঅ পৌইদ্যেনে সাক্ষী দে।

যোহন 10:25 ပူးပေါင်းရင်းမြစ်များ

যোহন 10:32

যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

যোহন 10:37

মঅ বাবঅ কাম্ যুনি মুই ন-গরং সালে তুমি মরে বিশ্বেজ্ ন-গুরিবা।

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 11:47

সেক্কে আজল্ ধর্মগুরুগুন্ আর ফরীশীগুনে দাঙর্ তেম্মাঙত্ মানুচ্চুনোরে থুবেইনে কলাক্, “আমি ইক্কিনে কি গুরিই? এ মানুচ্চো দঅ বোউত্ আমক্ কাম্ গরের্।

যোহন 12:37

যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

যোহন 14:11

মঅ কধানি বিশ্বেজ্ গরঅ যে, মুই বাবা সমারে আঘং আর বাবা মঅ সমারে আঘে। সিয়েন্ ন-অলে অন্তত: মর্ এই বেক্‌ কামানিত্যে মঅ উগুরে বিশ্বেজ্ গরঅ।

যোহন 20:30

যীশু শিচ্চ্যগুনো মুজুঙোত্ চিহ্নো ইজেবে আরঅ ভালোক্কানি আমক্ অবার্ কাম্ গোজ্যে; সিয়েনি এ বোইবোত্ লেগা ন-অয়।

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 7:31

মাত্তর্ মানুচ্চুনো ভিদিরে ভালোক্‌জনে যীশু উগুরে বিশ্বেজ্ গুরিনে কলাক্, “তে দঅ বোউত্ আমক্ কাম্ গোজ্যে। মশীহ এইনে কি তাত্তুন্-অ বেশ্ আমক্ অবার্ কাম্ গুরিবো?”

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

যোহন 8:56

তমা বাব্‌পো অব্রাহামে মঅ দিন্নো চেবার্ আজায় হুজী ওইয়্যে। তে সিবে দেক্ক্যে আর হুজীয়ো ওইয়্যে।”

যোহন 8:58

যীশু তারারে কলঅ, “মুই তমারে ঘেচ্চ্যেক্‌গুরি কঙর্, অব্রাহামে জোর্মেবার্ আগেত্তুন্ ধুরি মুই আঘং।” এ কধাগান্ শুনিনে সেই নেতাগুনে যীশুরে মারিবাত্যে পাত্তর্ কুড়েলাক্। মাত্তর্ যীশু হবর্ ন-পেইয়্যে গুরি উবোসনা-ঘরত্তুন্ নিগিলি গেলঅ।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।