যোহন 10:20 - Chakma Bible

²⁰ তারা ভিদিরেত্তুন্ ভালোক্‌জনে কলাক্, “তারে ভূদে পেইয়্যে, তে পাগল্; তুমি তা কধা কিত্ত্যে শুন্নো?”

যোহন 10:20 ပူးပေါင်းရင်းမြစ်များ

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

যিরমিয় 29:26

তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 11:18

যেক্কে যোহনে এলঅ; তে উবোস আর আংগুর-রস ন-হেলঅ, সেক্কে বেক্কুনে কদন্, ‘তারে ভুদে পেইয়্যে।’

মথি লেখ্যে গম্ হবর্ 9:34

মাত্তর্ ফরীশীগুনে কলাক্, “তে ভুদ্‌তুনোর রাজার সাহায্যলোই ভুদ্‌তুনোরে ধাবেই দি পারে।”

মার্ক 3:21

যীশুর নিজো মানুচ্চুনে এ হবরান্ শুনিনে তারে নিগিলেই নিবাত্তে এলাক্। তারা কলাক্, “তে পাগল ওই যেইয়্যে।”

যোহন 7:20

মানুচ্চুনে জোব্ দিলাক্, “তরে ভূদে পেয়্যে; কন্না তরে মারে ফেলেবার্ চেষ্টা গরের্?”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”