যোহন 10:10 - Chakma Bible

¹⁰ চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

যোহন 10:10 ပူးပေါင်းရင်းမြစ်များ

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

হোশেয় 7:1

যেক্কে মুই মঅ মানুচ্চুনোর্ অবস্থা ফিরেবাত্তে চাং, যেক্কে ইস্রায়েলরে গম্ গুরিবাত্তে চাং, সেক্কে ইফ্রয়িমর পাপ দেগা যায় আর শমরিয়ার অন্যেয়ানি ফগদাং অয়। তারা ছলনা গরন্, ঘরত্ চুর্ সমন্ আর বারেদি ডাগেত্তুনে লুদোন্;

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 18:11

যিয়েনি আযি যেইয়্যে সিয়েনি উদ্ধোর্ গুরিবাত্তে মান্‌জ্য পুয়োবো এচ্চ্যে। তুমি কি মনে গরঅ?

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 21:13

“পবিত্র বোইবোত্ গোজেনে কোইয়্যেদে, ‘মঅ উবোসনা ঘরানরে তবনার্ ঘর কুয়ো অবঅ,’ মাত্তর্ তুমি ইয়েনরে ডাগেদর্ আড্ডাজাগা বানেয়ো।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মার্ক 11:17

পরেদি শিক্ষ্যে দিবার্ অক্তত্ তে সেই মানুচ্চুনোরে কলঅ, “পবিত্র বোইবোত্ কি এ কধাগান লেগা নেই যে, ‘মঅ উবোসনা ঘরানরে বেক্ জাদ্‌তুনোর তবনা ঘর্ কুয়ো অবঅ’? মাত্তর্ তুমি ইয়েনরে ডাগেদর্ আড্ডাখানা বানেয়ো!”

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

যোহন 10:1

“মুই তমারে ঘেচ্চ্যেক্‌গুরি কঙর্, যে কেঅ ভেড়া-ঘর দুয়োরানদি ন-সুমিনে অন্য কিত্ত্যেদি সমায় তে চুর্ আর ডাগেত্।

যোহন 10:11

মুয়ই আজল্ ভেড়া গরক্। আজল্ ভেড়া গরক্কো তা ভেড়াগুনোত্তে নিজো পরাণান্ দে।

যোহন 12:47

যুনি কেঅ মঅ কধা শুনিনে সেবাবোত্যেগুরি ন-চলে সালে মুই নিজে তার্ বিচের্ ন-গরং, কিয়া মুই মান্‌জ্যরে দুষী প্রমাণ গুরিবাত্যে ন-এজং বরং মান্‌জ্যরে পাপত্তুন্ উদ্ধোর্ গুরিবাত্যে এচ্চ্যং।

যোহন 12:6

যিহূদা যে নাঢা মানুচ্চুনো পৌইদ্যেনে চিন্তে গুরিনে এ কধাগান্ কোইয়্যে সিয়েন্ নয়। আসলে তে এলদে চুর্। টেঙা বাক্সুবো তাইধু থেদঅ বিলি যিগুন্ থুয়ো অদঅ সিগুনোত্তুন্ চুর্ গুরিদো।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 5:40

তো তুমি জিংকানি পেবাত্যে মইধু এবাত্তে ন-চঅ।

যোহন 6:33

স্বর্গত্তুন্ লামি এইনে যিবে মান্‌জ্যরে জিংকানি দে তেয়ই গোজেনর্ দিয়্যে রুটি।”

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

রোমীয় 2:21

বেশ্, তুই যেক্কে অন্যগুনোরে শিক্ষ্যে দি থাচ্ সেক্কে নিজোরেয়ো শিক্ষ্যে ন-দোচ্ কিত্ত্যে? তুই প্রচার গরর্, “চুর্ ন-গোজ্জ্য,” মাত্তর্ তুই নিজেই কি চুর্ ন-গরর্?

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

ইব্রীয় 6:17

গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।