যোহন 1:38 - Chakma Bible

³⁸ যীশু পিজেদি ফিরিনে তারারে এত্তে দেগিনে কলঅ, “তুমি কি তগর্?” যোহন শিচ্চ্যগুনে পুযোর্ গুরিলাক্, “রব্বি (অত্তাৎ মাষ্টরবাবু), তুই কুধু থাচ্?”

যোহন 1:38 ပူးပေါင်းရင်းမြစ်များ

১ রাজাবলী 10:8

তঅ মানুচ্চুনে কদক্‌ সুগী! যিগুনে নিত্য তঅ মুজুঙোত্‌ থান্‌ আর তর্‌ জ্ঞানর কধানি শুনোন্‌ তর্‌ সে কামগুরিয়্যেগুনে কদক্‌ ভাগ্যত্যে!

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

গম্ উপদেজ্ 8:34

যে মানুচ্চো মঅ কধানি শুনে আর পত্তিদিন মঅ দোরো ইদু জাগি থায় আর মঅ দোরো ফ্রেমান ইদু বাজ্জেই থেইনে তে সুগি;

আবিলেচ্ 5:19

ও লগেপ্রভু, তুই উমরত্যে রাজাগিরি গর্, তর্ সিংহাসনান্ বংশর্ পর বংশ ধুরি থিদেবর্।

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 14:25

যীশু সমারে বোউত্ মানুচ্‌ যাদন্। যীশু সেই মানুচ্চুনো ইন্দি ফিরিনে কলঅ,

লূকে লেখ্যে গম্ হবর্ 15:20

ইয়েন কোইনে তে উদিনে তা বাবঅ ইধু গেলঅ। তে দূরোত্ থাগদে তারে দেগিনে তা বাবর্ ভারী চিত্‌ পুল্ল্য। তে ধাবা যেইনে তারে বেড়েই ধুরিনে চুমিলো।

লূকে লেখ্যে গম্ হবর্ 19:5

যীশু সেই ডোমোর্ গাচ্চো কুরে এইনে উগুরেদি রিনি চেলঅ আর সক্কেয়রে কলঅ, “সক্কেয়, যাদিমাদি লামি আয়, কিয়া এইচ্চ্যে তঅ ঘরত্ মত্তুন্ থা পুরিবো।”

লূকে লেখ্যে গম্ হবর্ 22:61

সেক্কে প্রভুর্ মুয়োন্ চেরোকিত্তেদি ঘুরেইনে সোজা পিতর ইন্দি রিনি চেলঅ। আর প্রভু তারে কি কোইয়্যে সে কধাগান্ পিতরর্ মনত্ পড়িলো, “এচ্চ্যে রেদোত্ রাধাকুড়োই ডাগ্‌ কারিবার্ আগেদি তুই তিন পল্লা কবে, তুই মরে ন-চিনোস্।”

লূকে লেখ্যে গম্ হবর্ 8:38

যে মানুচ্চো ভিদিরেত্তুন্ ভান্ন্যেই আত্মাগুন্ নিগিলি যেইয়োন্ সে মানুচ্চো যীশুরে কোজোলী গুরিলো যেন তে তা সমারে যেই পারে। মাত্তর্ যীশু তারে এ কধাগান্ কোইনে ঘরত্ পাধেই দিলো,

যোহন 1:37

যোহনরে এ কধাগান্ কধে শুনিনে সে দ্বিজন্ শিচ্চ্য যীশুর্ পিজে পিজে যাহ্ ধুরিলাক্।

যোহন 1:39

যীশু তারারে কলঅ, “এইনে চুগি।” সেক্কে তারা যেইনে যীশু যিয়েনত্ থেদঅ সে জাগায়ান্ চেলাক্ আর সেদিন্ন্যে তা সমারে থেলাক্। সেক্কে প্রায় বেল্যে মাদান্ চের্‌বো বাজের্।

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

যোহন 12:21

তারা ফিলিপ ইধু এইনে তারে কোজোলি গুরিনে কলাক্, “এইয়্যে শুন্, আমি যীশুরে দেগিবাত্তে চেই।” ফিলিপে অলঅ গালীল রেজ্যর্ বৈৎসৈদা আদাম মানুচ্।

যোহন 18:4

তা নিজো উগুরে যিয়েনি ঘুদিবো যীশু সিয়েনি বেক্কানি কোই পাত্ত। ইয়েনত্যে তে নিগিলি এইনে সেই মানুচ্চুনোরে কলঅ, “তুমি কারে তগর্?”

যোহন 18:7

যীশু আরঅ তারারে পুযোর্ গুরিলো, “তুমি কারে তগর্?” তারা কলাক্, “নাসরত যীশুরে।”

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 3:26

পরেদি তারা যোহন ইধু এইনে কলাক্, “মাষ্টরবাবু, যিবে যর্দনর্ উই পারত্ তঅ সমারে এলঅ আর যিবে পৌইদ্যেনে তুই সাক্ষ্য দুয়োচ্, চাহ্, তে বাপ্তিষ্ম দের্ আর বেক্কুনে তা ইধু যাদন্।”

যোহন 4:31

এ ভিদিরে তা শিচ্চ্যগুনে তারে কোজোলি গুরিনে কলাক্, “মাষ্টরবাবু, কিজু হা।”

যোহন 6:25

সিয়েনত্ লুমিনে তারা যীশুরে তোগেই পেইনে কলাক্, “মাষ্টর বাবু, তুই কক্কে ইধু এচ্চ্যস্?”

প্রেরিত্‌ 10:21

সেক্কে পিতরে লামি এইনে সেই মানুচ্চুনোরে কলঅ, “তুমি যিবেরে তগর্ মুয়ই সে মানুচ্চো। তুমি কিত্ত্যেই এচ্ছো?”

প্রেরিত্‌ 10:29

সেনত্তে যেক্কে তুমি মরে ডাগিনে পাধেলা সেক্কে মুই কনঅ আবিত্তি ন-গুরিনে এচ্চ্যং। ইক্কিনে মুই পুযোর্ গরঙর্, তুমি কিত্ত্যেই মরে ডাগিনে পাধেয়ো?”

রূত 1:16

মাত্তর্‌ রূতে কলঅ, “তরে ফেলেই যেবাত্তে তুই মরে জোর্‌ ন-গুরিচ্‌, বা তঅ সমারে যেবাত্তে মরে মানা ন-গুরিচ্‌। তুই যিদু যেবে মুইয়ো সিদু যেম্‌ আর তুই যিয়েনত্‌ থেবে মুইয়ো সিয়েনত্‌ থেম্‌। তঅ‌ মানুচ্চুন্‌ অবাক্‌ মঅ‌ মানুচ্‌ আর তঅ‌ গোজেনে অবঅ মর্ গোজেন্‌।