যোহন 1:17 - Chakma Bible

¹⁷ মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

যোহন 1:17 ပူးပေါင်းရင်းမြစ်များ

পত্থম 22:18

তঅ বংশগুনো ভিদিরেন্দি পিত্‌থিমীর বেক্‌ জাদতুনে বর্ পেবাক্। তুই মঅ উগুমান্‌ পালেয়োচ্‌ বিলিনে সিয়েন্‌ অবঅ।”

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

গীতসংহিতা 98:3

ইস্রায়েল জাদ্‌তুনোত্যে তার অমকদ কোচ্‌পানা আর বিশ্বেজর কধা তে মনত্ রাগেয়্যে; আমা গোজেন উদ্ধোরর্ কামানি পিত্‌থিমীর বেক মানুচ্চুনে দেখ্যন্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 18:37

পীলাতে যীশুরে কলঅ, “সালে তুই কি রাজা?” যীশু কলঅ, “তুই ঠিগই কোইয়োচ্ যে, মুই রাজা। সত্যর্ পক্ষে সাক্ষি দিবাত্যে মুই জোর্মেয়োং আর সেনত্তে মুই জগদত্ এচ্চ্যং। যে কেঅ সত্যর্ তে মঅ কধা শুনে।”

যোহন 5:45

মনে ন-গোজ্য যে, বাবা ইধু মুই তমারে দুষি গুরিম্; মাত্তর্ যে মোশি উগুরে তুমি আজা গুরি আগঅ সেই মোশিই তমারে দুষি গরের্।

যোহন 7:19

মোশি কি তমারে রীতি-সুদোম ন-দে? মাত্তর্ তমা ভিদিরে কেঅ সেই রীতি-সুদোমানি-পালঅ। সালে কিত্ত্যে তুমি মরে মারে ফেলেবার্ চেষ্টা গরর্?”

যোহন 8:32

সিয়েন বাদে তুমি সত্যগানরে কোই পারিবা, আর সে সত্যগানে তমারে উদ্ধোর্ গুরিবো।”

যোহন 9:29

আমি কোই পারিই গোজেনে মোশি সমারে কধা কোইয়্যে, মাত্তর্ সে মানুচ্চো কুত্তুন্ এচ্চ্যে সিয়েন্ আমি কোই ন-পারিই।”

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।

প্রেরিত্‌ 7:38

এই মোশি ধূল্যেচর-চাগালাত্ ইস্রায়েলীগুনোর সেই দল ভিদিরে আমা পূরোণি মানুচ্চুনো সমারে এলঅ। যে স্বর্গদূত্‌তো সিনাই মুড়োবোত্ কধা কোইয়্যে এই মোশি সেই স্বর্গদূত্‌তো সমারে সিধু এলঅ। আমারে দিবাত্যে সত্য কধানি এ মোশি সিধু পেইয়্যে।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

২ করিন্হীয় 1:20

তে নিত্য “অয়”। গোজেনর্ বেক্ এগেমানি খ্রীষ্টর্ মাধ্যমে “অয়” ওই উদে। সেনত্যে গোজেনর্ বাঈনী গুরিবাত্যে খ্রীষ্টর্ মাধ্যমে আমি “আমেন” কোই।

গালাতীয় 3:17

মঅ কধাগানর্ অত্তগান্ অলঅ, গোজেনে অব্রাহামর্ সময়োত্ এক্কান এগেম্‌বলা বেবস্থা থিদেবর্ গোজ্জ্যে। সিয়েনর্ চের্‌শ ত্রিশ বজর পরেদি রীতি-সুদোম্ দিয়্যে ওইয়্যে, মাত্তর্ সিয়েনিলোই আগর্ সেই বেবস্থাগান বাতিল ওই ন-গেলঅ; সেনত্যে সিয়েনর্ এগেমান থিগিই রলঅ।

দ্বি’লম্বর বিররণ 33:4

আমা ইদু মোশি যে রীদি-সুুদোমানি দিলো, সিয়েনিই অলঅ যাকোব-গুট্টির ধন।

দ্বি’লম্বর বিররণ 4:44

মোশি ইস্রায়েলীয়গুনো মুজুঙোত্‌ এ রীদি-সুদোমানি তুলি ধোজ্যে। মিসরত্তুন্‌ নিগিলি এজানার্‌ পরেন্দি তে যর্দনর্‌ পূগেন্দি হিষ্‌বোনোর্‌ ইমোরীয় রাজা সীহোনর্‌ দেজত্‌ বৈৎ-পিয়োরর মুজুঙো কিঝিঙানত্‌ ইস্রায়েলীয়গুনো ইদু এদক্কানি উঝিয়ারর্‌ কধা আর সুদোম আর উগুম্‌ জানেয়্যে। মিসর দেজত্তুন্‌ নিগিলি এজানার্‌ পরেন্দি মোশি আর ইস্রায়েলীয় রাজাবো সীহোনরে অদেই দিয়্যে।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

ইব্রীয় 9:22

মোশির্ রীদি-সুদোম মজিম প্রায় পত্তি জিনিচ্ লো-লোই সিজি গরা অয় আর লো ন-ঝুরিলে পাপর্ ক্ষেমা ন-অয়।