যিরমিয় 9:23 - Chakma Bible

²³ লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

যিরমিয় 9:23 ပူးပေါင်းရင်းမြစ်များ

ইয়োব 32:13

এ কধাগান ন-কোইয়ো, আমি বুঝি পাজ্জেই, মান্‌জ্যে নয় মাত্তর্ গোজেনেয়ই তারে ওদেই দি পারে।

ইয়োব 41:15

তার্ পিদ্‌তান আশ্‌ছানি ঢাল সুরো ধোক্ক্যেন; সিয়েনি দরমর গুরি একসমারে আকসোয়ে

গীতসংহিতা 33:5

লগেপ্রভু ন্যায় কাম আর ন্যায় বিচেরানি গম্ পায়; সারা পিথ্‌তিমীগান পোজ্যে আগেদে তার্ ন-ফুরেইয়্যে কোচ্‌পানা।

গীতসংহিতা 34:3

তুমি মঅ লগে লগেপ্রভুর মহিমার কধা কঅ; এজঅ, আমি একসমারে তার্ বাঈনী গুরিই।

গীতসংহিতা 44:9

মাত্তর্ ইক্কিনে তুই আমারে ছাড়ি যেইয়োচ্ আর লাজত্ ফেলেয়োচ্; যুদ্ধোত্ আমা সৈন্যদলুনোর সমারে তুই আর্ ন-থেচ্।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

গম্ উপদেজ্ 3:5

তর্ বেক মনান্ দিইনে লগেপ্রভু উগুরে নির্ভর গর্; তর্ নিজো বিচের বুদ্ধি উগুরে ভরসা ন-গুরিচ্।

উপদেশক 2:19

সে মানুচ্চো জ্ঞানী না বুদ্ধিবলা অবঅ সিয়েন্ কন্না হবর্ পায়? তো তে মর্ বেক্ কামর্ ফলুন্ ভোগ্ গুরিবো, যিয়েনত্তে মুই বেলান তলেদি কাম্ গোজ্যং আর কাবিদ্যেংগিরি দেগেয়োং। ইয়েন্‌অ বাহ্‌জে।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিশাইয় 10:8

তে কইদ্যে, “মঅ সেনাপতিগুনে কি বেক্কুনে রাজা ধোক্ক্যেন্ নয়?

যিশাইয় 20:5

যিগুনে কূশ দেজ উগুরে বিশ্বেজ্ গোজ্যন আর মিসররে নিইনে বড়াই গোজ্যন্ তারা দোরেবাক্ আর লাজেবাক্।

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিশাইয় 5:21

অভিশাব্ পোড়োক্ সেই মানুচ্চুনোর্, যিগুনে নিজো চোগেদি জ্ঞানবলা আর নিজোরে বুদ্ধিবলা বিলিনে মনে গরন্।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 48:14

“তুমি কিবাবোত্যেগুরি কোই পারঅ, ‘আমি যোদ্ধা, যুদ্ধোত্ সাহসী মানুচ্’?

যিরমিয় 48:7

তুই যেক্কে তঅ কাম্ আর ধন উগুরে নির্ভর গোজ্যস্ সেক্কে তরেয়ো বানিনে নেযা অবঅ, আর কমোশ তা ধর্মগুরু আর রাজার চাগরুনো সমারে বন্দী ওইনে দূরোত্ যেবঅ।

যিরমিয় 49:4

কিত্তে তুই তর্ বোল্‌‌‌বোল্যে কলগ্‌‌‌কানিলোই বাড়্‌বো গরর্? ও অবিশ্বেজি মিলে, তঅ ধন-সম্পদ উগুরে নির্ভর গুরিনে তুই কত্তে, ‘কন্না মরে আক্রমণ গুরিবো?’

যিহিষ্কেল 29:9

মিসর অবঅ এক্কান মানুচ্ নেইয়্যে ভস্তর্ জাগা। সেক্কে তঅ মানুচ্চুনে হবর্ পেবাক্, মুয়ই লগেপ্রভু। তুই কোইয়োচ্, য়েল্ গাঙান্ তর্ আর তুয়ই সিয়েন বানেয়োচ্।

যিহিষ্কেল 7:19

তারার্ রূবোনি তারা পধে পধে ফেলেই দিবাক্ আর তারার্ সোনানি অবঅ এক্কান অসিজি জিনিস। লগেপ্রভুর রাগ দিনোত্ তারার্ সোনা-রূবোনিয়ে তারারে রোক্ষ্যে গুরি ন-পারিবো। সিয়েনিলোই তারার্ পেট্‌পরা ন-মিটেব আর পেট্ ন-ভুরিবো। আজলে সিয়েনিয়ে তারারে পাপত্ ফেলেয়্যে।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

মার্ক 10:24

শিচ্চ্যগুনে যীশুর কধা শুনিনে আমক্ অলাক্। মাত্তর্ যীশু আরঅ কলঅ, “পুয়োগুন্, গোজেন রেজ্যত্ সমানা কত্তমান্ আগাত্ত্যে।

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

১ করিন্হীয় 1:31

ইয়েনত্তে পবিত্র বোইবোর্ কধা মজিম, “যে দেমাগ্ গরে তে প্রভুরে নিইনে দেমাগ্ গোরোক্।”

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

১ শমূয়েল 17:42

সেই পলেষ্টীয়বো দায়ূদো ইন্দি গমেডালে চেইনে তারে ঈচ্ গুরিলো, কিত্যে দায়ূদোর বয়সছান্‌ কম এলঅ।