যিরমিয় 8:7 - Chakma Bible

⁷ সারস পেগ্‌‌কোয়ো নিজো সময়ান হবর্ পায়, আর কঅ, চাতক আর শালিক পেগ্‌কুনেয়ো তারার যেবার সময়ান ইন্দি খিয়েল রাগান, মাত্তর্ মঅ মানুচ্চুনে মর্ সুদোমানি ইন্দি মনযোগ ন-দুয়োন।‌

যিরমিয় 8:7 ပူးပေါင်းရင်းမြစ်များ

পরমগীত 2:12

মাঢত্ ফুল ফুত্যন্, গানর্ সময়ান্ লুম্মেগি; আমা দেজত্ কগুনোর্ রঅ শুনো যার্।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:6

সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

সখরিয় 5:9

সে পরেদি মুই উগুরেদি রিনি চেলে দ্বিজন মিলেরে বোইয়্যের লগে উড়ি এত্তে দেগিলুং। তারার্ ডুয়ো এলঅ সারস পেগো ডুয়ো ধোক্ক্যেন্ আর তারা সেই পিলেবোরে আগাজত্ তুলি নিইনে উড়িনেই গেলাক্।