যিরমিয় 8:3 - Chakma Bible

³ যিয়েনত্ মুই তারারে দূর্ গুরি দিম সিয়েনত্ এ পাজি জাদ্‌‌তুনোর বাঁজি থেইয়্যে মানুচ্চুনে জিংকানিগানত্তুন্ মরণানরে গম্ পেবাক। এ কধাগান মুই বেগত্তুন খেমতাবলা লগেপ্রভু কঙর্।”

যিরমিয় 8:3 ပူးပေါင်းရင်းမြစ်များ

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 23:8

বরং তারা কবাক্, ‘যিবে ইস্রায়েলীয়গুনোরে উত্তর দেজত্ আর অন্য দেজত্ দূর গুরি দিয়্যে আর সিয়োত্তুন আন্যে সেই জেদা লগেপ্রভুর নাঙে কঙর্।’ সে পরেদি তারা নিজো দেজত্ বজত্তি গুরিবাক্।”

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 29:28

তে দঅ বাবিলোত্ আমা ইধু এ হবরান পাদেয়্যে, ভালোক্ দিন আমাত্তুন ইধু থা পুরিবো। সেনত্তে আমি যেন ঘর বানেইনে ইধু বজত্তি গুরিই আর বাগান গুরিনে সে ফলুন ভোগ্ গুরিই।’ ”

যিরমিয় 40:12

সেক্কে তারা যেদক্কানি দেজত্ ছিদি পোজ্যন সিয়েনত্তুন্ বেক্কুনে যিহূদা দেজর মিসপাত গদলিয় ইধু ফিরি এলাক্। তারা বোউত্ আংগুর-রস আর গরম কাল ফল থুবেলাক্।

যিরমিয় 44:2

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই যিরূশালেম আর যিহূদার বেক্ আদামানি আর শঅর উগুরে যে অমকদ দজা আন্যং সিয়েনি তুমি দেখ্য। সিয়েনি এচ্চ্যে ভস্ত ওইনে পড়ি আঘে; সিয়েনিত্ কনজনে বজত্তি ন-গরন্।

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 6:9

বেগত্তুন্ খেমতাবলা লগেপ্রভু কোইয়্যেদে, “আংগুর খেদত্তুন্ যেবাবোত্যেগুরি গমেডালে আংগুর ঝাড়ি ফেলা অয় সেবাবোত্যেগুরি শত্রুগুনে দেজত্তুন ইস্রায়েলীয়গুনোরে ঝাড়ি ফেলেবাক্। যে মানুচ্চো আংগুর তুলে তে যেবাবোত্যেগুরি আরঅ ডেলাত্ আঢ্ দে তারায়ো বাগি মানুচ্চুনো উগুরে সেবাবোত্যে গুরিবো।”

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

আমোষ 3:1

ও ইস্রায়েলর মানুচ্চুন, তমা বিরুদ্ধে, অত্তাৎ লগেপ্রভু যিগুনোরে মিসরত্তুন্ নিগিলেই আন্যে সেই পুরো জাদ বিরুদ্ধে তে যিয়েনি কোইয়্যে সিয়েনি শুনো:

যোনা 4:3

ইক্কিনে ও লগেপ্রভু, তুই মঅ পরাণান্ নেযা, কিত্যে মর্ বাঁজি থানাত্তুন্ মুরি যানাগান গম্।”

মীখা 2:3

সেনত্তে লগেপ্রভু কত্তে, “তমা বিরুদ্ধে মুই অমংগলর পরিকল্পনা গোজ্যং যিয়েনত্তুন্ তুমি নিজোরে রোক্ষ্যে গুরি ন-পারিবা। তুমি আর বাড়্‌বো গুরিনে ন-চলিবা, কিত্যে সময়ান অবঅ দযার্।

দ্বি’লম্বর বিররণ 30:1

মুই তমা মুজুঙোত্‌ যে আশিদ্‌বাদ আর অভিশাব্‌পানি তুলি ধুরিলুং সিয়েনি বেক্কানি তমা উগুরে এবঅ। সে পরেন্দি তমার গোজেন লগেপ্রভু যিদুক্কুন জাদ ভিদিরে তমারে ছিদি দিবো তারা ভিদিরে বজত্তি গুরিবার সলাবোত্‌ এই বেক্‌ কধানিত্‌ তুমি মন দিবা।

দ্বি’লম্বর বিররণ 30:4

আগাজর্‌ শেজ্‌ দুঝিতঅ যুনি তমারে ফেলেই দিয়্যে অয় সিয়েনত্তুনঅ তমারে গোজেন লগেপ্রভু তমারে তোগেই আনিবো।

ফগদাং পেইয়্যে 6:16

তারা মোন্‌মুড়ো আর পাত্তরুনোরে কলাক্, “আমা উগুরে পড় আর যিবে সেই সিংহাসন উগুরে বৈ আঘে তা মুয়ো মুজুঙোত্তুন্ আর ভেড়া-ছবোর্ রাগত্তুন্ আমারে লুগেই থঅ,

ফগদাং পেইয়্যে 9:6

সেই সময়োত্ মান্‌জ্যে মরণানরে তোগেবাক্ মাত্তর্ কনমতে সিয়েন ন-পেবাক্; তারা মরিবার চেবাক্ মাত্তর্ মরণানে তারাত্তুন্ ধেই যেবঅ।