যিরমিয় 8:19 - Chakma Bible

¹⁹ দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিরমিয় 8:19 ပူးပေါင်းရင်းမြစ်များ

গীতসংহিতা 135:21

লগেপ্রভু, যিবে যিরূশালেমত্ বজত্তি গরে, তারে বাঈনী গরানা সিয়োনত্তুন্ ধুরি আরাম্ভ ওক্। লগেপ্রভুরে নাঙ্ গিনে ওক্।

গীতসংহিতা 137:1

বাবিলো গাঙানি পারত্ বোইনে আমি যেক্কে সিয়োন কধা ইদোত্ তুলিদোং সেক্কে আমার চোগো পানি পড়িদো।

গীতসংহিতা 146:10

লগেপ্রভু জনম্‌ভুরি রাজাগিরি গুরিবো; ও সিয়োন, বংশর পর বংশ ধুরি তঅ গোজেনে রাজাগিরি গুরিবো। লগেপ্রভুরে নাঙ্ গিনে ওক্।

গীতসংহিতা 149:2

ইস্রায়েলে তার সিরিষ্টি গুরিয়্যেবোরে নিইনে ফুত্তি গোরোক্, সিয়োন মানুচ্চুনে তারার রাজাবোরে নিইনে হুজিয়্যে রাজিয়্যে থাদোক্।

গীতসংহিতা 31:6

যিগুনে বাজে মুত্তিগুনোরে ভোক্তি গরন মুই তারারে ঘিনাং; মাত্তর্ মুই লগেপ্রভু উগুরে বিশ্বেজ্ গরং।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 39:3

পরেদি ভাববাদী যিশাইয় রাজা হিষ্কিয় ইদু যেইনে পুযোর্ গুরিলো, “সেই মানুচ্চুনে কি কলাক্, আর কুত্তুন্ বা তারা এচ্চ্যন্?” হিষ্কিয় কলঅ, “তারা দূরো দেজত্তুন্, বাবিল দেজত্তুন্ এচ্চ্যন্।”

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 14:9

কিত্তে তুই দিগ্‌‌‌‌‌‌‌কাবুলো ওইয়্যে মান্‌‌‌‍জ্য ধোক্ক্যেন, রোক্ষ্যে গুরি ন-পাজ্যে এমন যোদ্ধা ধোক্ক্যেন ওইয়োচ্? ও লগেপ্রভু, তুই আমা ভিদিরে আগচ্ আর আমি দঅ তরই; তুই আমারে ছাড়ি ন-যেচ্।

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

যিরমিয় 27:10

তারা মিজে আগাম্ কধা কন, আর ইয়েনর কারনে তুমি তমা দেজত্তুন দূর্ ওই যেবা; মুই তমারে ধাবেই দিম আর তুমি ভস্ত ওই যেবা।

যিরমিয় 31:6

এমন এক্কো দিন এবঅ যেক্কে ইফ্রয়িমর মুড়োবো উগুরে চুগিদারুনে রঅ ছাড়িনে কবাক্, ‘আঢ, আমি সিয়োনত্ আমা গোজেন লগেপ্রভু ইধু যেই।’ ”

যিরমিয় 32:30

ইস্রায়েল আর যিহূদার মানুচ্চুন চিগোনত্তুন্ ধুরি মঅ চোগেদি বানা ভান্ন্যেই কাম বাদে কিচ্চু ন-গরন; ঘেচ্চেকগুরি ইস্রায়েলর মানুচ্চুনে তারার আঢে বানেয়্যে জিনিস্‌‌চোই মরে বানা অহুজি গোজ্যন্।

যিরমিয় 7:19

মাত্তর্ ইয়েনি গুরিনে কি তারা মরে দুঘ্ দেদন্? আজলে তারা দঅ নিজো উগুরে লাজ্ পানাগান ডাগি আনদন্ আর নিজোরে দুঘ্ দেদন।”

যিরমিয় 8:20

মঅ মানুচ্চুনে কদন্, “খেত-খেত্তি কাবিবার সময় গেলঅ, গরম কাল্‌অ থুম্ ওই গেলঅ, মাত্তর্ আমি দঅ উদ্ধোর্ ন-পেলং।”

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।

ওবদিয় 1:17

মাত্তর্ সিয়োন মুড়োবোত্ কয়েক্কো মানুচ্ রোক্ষ্যে পেবাক্; তারা অবাক্ গোজেন নাঙে যুদো গোজ্যে মানুচ্। যাকোবর বংশবো তারার্ পাওনা সাজা সোম্বোত্তি পেবাক্।

মীখা 4:9

কিত্তে তুই ইক্কিনে জোরে জোরে কানর্? তুই কি রাজা নেই? তর্ সল্লা দিয়্যেবো কি মুরি যেইয়্যে? সেনত্তে কি পুয়ো ফুদোইদ্যে দুঘ্ পেইয়্যে মিলে ধোক্ক্যেন তরে পীড়ে ধোজ্যে?

সফনিয় 3:15

লগেপ্রভু তঅ সাজাগান দূর্ গুরি দিয়্যে, তে তর্ শত্রুগুনোরে ধাবেই দিয়্যে। ইস্রায়েলর রাজা লগেপ্রভু তঅ ভিদিরে আঘে; তুই আর কনদিন্‌অ অমংগলত্তে ন-দোরেবে।

সখরিয় 2:9

মুই তারার্ বিরুদ্ধে হামাক্কায় মঅ আঢ্‌‌তানি তুলিম, সেক্কে তারার্ চাগরুনে তারারে লুদেবাক্।” ইয়েন যেক্কে ঘুদিবো সেক্কে তুমি বুঝি পারিবা যে, বেগত্তুন্ খেমতাবলা লগেপ্রভুই মরে পাদেয়্যে।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্: