যিরমিয় 8:15 - Chakma Bible

¹⁵ আমি শান্তির আজা গোজ্যেই মাত্তর্ কনঅ ভালেদি ন-অলঅ; আমি গম্ অবার আজা গোজ্যেই মাত্তর্ অমকদ বুগোত্ দর্ সোমেল।

যিরমিয় 8:15 ပူးပေါင်းရင်းမြစ်များ

ইয়োব 30:26

মাত্তর্ যেক্কেনে মুই ভালেদি আজা গুরিলুং সেক্কেনে অমংগল গুদিলো; যেক্কেনে পহ্‌রত্তে বাজ্জ্যেই থেলুং সেক্কেনে আন্ধার্ অলঅ।

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

যিরমিয় 8:11

তারা মঅ মানুচ্চুনোর ঘা গানি এমনগুরি বানি দুয়োন যেন সিয়েন বিশেষ কিজু নয়। তারা কন্দে ‘শান্তি, শান্তি,’ মাত্তর্ আজলে শান্তি নেই।

যিহিষ্কেল 7:25

অমকদ দর্‌‌বুগ্ লাগিলে পরেদি তারা শান্তি তোগেবাক্ মাত্তর্ ন-পেবাক্।

মীখা 1:12

যিগুনে মারোদত্ বজত্তি গরন্ তারা উবোল্‌‍ফাল্ ওইনে রেহাই পেবাত্তে বাজ্জেই আগন্, কিত্যে লগেপ্রভুত্তুন্ দযা এচ্চ্যে; এমন কি, সিয়েন যিরূশালেমর গেদো সং লুম্মেগি।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।