যিরমিয় 7:17 - Chakma Bible

¹⁷ তুই কি ন-দেগর্ তারা যিহূদার শঅরানিত্ আর যিরূশালেমর পধে পধে কি গত্তন্?

যিরমিয় 7:17 ပူးပေါင်းရင်းမြစ်များ

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 32:32

কিত্তে ইস্রায়েল অার যিহূদার মানুচ্চুন, তারার বেক্ রাজা আর রাজার কামগুরিয়্যেগুন, ধর্মগুরু আর ভাববাদীগুন আহ্ যিহূদা যিরূশালেমর মানুচ্চুনে তারার বেক্ ভান্ন্যেই কামানিলোই মরে অহুজি গোজ্যন্।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 6:27

লগেপ্রভু কোইয়্যেদে, “মুই তরে মঅ মানুচ্চুনোর যগাচেইয়্যে বানেয়োং যেনে তুই তারা ইন্দি খিয়েল্ রাগেইনে তারা পথ্‌তানি পোরোক্কে গুরি পারচ্।‌‌

যিরমিয় 7:16

লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

যিরমিয় 7:18

পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

যিহিষ্কেল 14:23

তারার্ খাচ্চ্যত্ আর কামানি দেগিনে তুমি সান্তনা পেবা আর বুঝি পারিবা যে, এনেবাদে মুই কিচ্চু ন-গরং। মুই প্রভু লগেপ্রভু এ কধাগান কঙর্।”