যিরমিয় 6:6 - Chakma Bible

⁶ বেগত্তুন খেমতাবলা লগেপ্রভু তারারে এ কধাগান কোইয়্যেদে, “তুমি গাজ্‌চুন কাবিনে সিয়েনিলোই যিরূশালেমর বিরুদ্ধে তার দেবালান সমারে ভিদেকুড়্ বানঅ। এ শঅরানরে সাজা দিয়্যে পুরিবো; ইয়েন অত্যেচারে ভুরি যেইয়্যে।‌‌‌‌

যিরমিয় 6:6 ပူးပေါင်းရင်းမြစ်များ

যিশাইয় 37:33

“সেনত্তে আসিরিয়ার রাজা পৌইদ্যেনে লগেপ্রভু এ কধাগান কোইয়্যে, ‘তে এ শহরত্ ন-সোমেব বা ইয়েনত্ এক্কো সেল্অ ন-মারিবো। তে ঢাল্লোই ইয়েন মুজুঙোত্ ন-এবঅ বা ঘিরিনে উদোনা-লামানা গুরিবাত্তে কিচ্চু ন-বানেব।

যিরমিয় 20:8

যেদকবার মুই কধা কং সেদকবার অমকদ খেতি গরানা আর ভস্ত অনার্ কধা রঅ ছাড়িনে ফগদাং গরং। সেনত্তে লগেপ্রভুর কধানিত্তে সারা দিন মত্তুন অগমান আর অমকদ ইংসে গরা অয়।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 32:31

যেদিন্যে এ শঅরান্ বানা ওইয়্যে সেদিন্যেত্তুন্ ধুরি এচ্চ্যে সং সিয়েন মর্ বেজার্ অনাগান্ আর রাগ্‌‌‍কান এমন্‌গুরি জাগেই দুয়ো, মঅ চোগো মুজুঙোত্তুন মুই সিয়েন সোরেই দিম্,‌‍

যিরমিয় 33:4

বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিরমিয় 39:1

যিরূশালেমান এবাবোত্যেগুরি গজক্ গরা ওইয়্যে। যিহূদার রাজা সিদিকিয়র রাজাগিরির নঅ বজরর্ দশ মাজত্ বাবিল রাজা নবূখদ্‌নিৎসরে তার বেক্ সৈন্যদলুন্দোই যিরূশালেমান বিরুদ্ধে এইনে শঅরান ঘিরি রাগেল।

যিরমিয় 5:29

ইয়েনত্তে মুই কি তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্? মুই লগেপ্রভু এ কধাগান কঙর্।

যিরমিয় 5:9

মুই লগেপ্রভু পুযোর্ গরঙর্, ইয়েনত্তে কি মুই তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্?

যিহিষ্কেল 4:2

তা চেরোকিত্তে এবাবোত্যেগুরি ঘিজ্যে দেগা: তা বিরুদ্ধে এক্কান অজল্ দেবাল্ বানা, শঅরর্ দেবাল লগে এক্কো উবো দেবাল্ বানা, শঅরর্ বিরুদ্ধে সৈন্যগুনোর তাম্বুল্ টাঙা আর দেবাল চেরোকিত্তে দেবাল্ ভাঙেদে মেশিন্ বজা।

যিহিষ্কেল 5:5

মুই প্রভু লগেপ্রভু কঙর্, ইয়েন অলঅ যিরূশালেম। তারে মুই জাদ্‌‌তুনো সংমোধ্যে থিদেবর্ গোজ্যং; তা চেরোকিত্তে রোইয়্যেদে নানান্ দেজ্।

দানিয়েল 11:15

সে পরেদি উত্তর রাজা এইনে এক্কান দেবাল-ঘিজ্যে শঅর্ ঘিরিনে সিয়েন গজক্ গুরিবো। দোগিণো সৈন্যদলর মানা গুরিবার খেমতা ন-থেবঅ; এন্ কি, তারার বেগত্তুন্ গম্ সৈন্যদলরঅ তারা বিরুদ্ধে থিয়্যেবার খেমতা ন-থেবঅ।

সফনিয় 3:1

অভিশাব্ পোড়োক্ সেই অত্যেচারীবোর, উল্লোমীবোর্ আর অসিজি শঅরানর্!

লূকে লেখ্যে গম্ হবর্ 19:43

এমন্ সময় এবঅ যেক্কে শত্রুগুনে তঅ বিরুদ্ধে চেরোকিত্তে দেবাল্ তুলিবাক্ আর তরে ঘিরি রাগেবাক্ আহ্ চেরোকিত্ত্যেত্তুন্ তরে চাপি ধুরিবাক্।