যিরমিয় 6:5 - Chakma Bible

⁵ সেনত্তে উদো, আঢ, আমি রেদোত্ আক্রমণ গুরিই আর তার ঘরানি ভস্ত গুরি দিই।’ ”

যিরমিয় 6:5 ပူးပေါင်းရင်းမြစ်များ

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

গীতসংহিতা 48:3

সে শঅরর্ রাজঘরর বিল্ডিঙানত্ গোজেনে নিজোরে ঘর ইজেবে ফগদাঙ্ গোজ্যে।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

যিরমিয় 52:7

পরেদি শঅর দেবালর্ এক্কান জাগা ভাঙি গেলঅ। যুনিয়ো বাবিলীয়গুনে সেক্কেয়ো শঅরান্ ঘিজ্যে এলাক্ তো রেদোত্ যিহূদার বেক্ সৈন্যগুন রাজার বাগান ইধু দ্বিদেবাল গেদোদি ধেই যেইনে অরাবার ইন্দি গেলাক্।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

হোশেয় 8:14

ইস্রায়েলর মানুচ্চুনে নিজো গোজেনরে ভুলি যেইনে দাঙর্ দাঙর্ ঘর বানেয়োন; যিহূদার মানুচ্চুনে ভালোক্কানি শঅর্ দেবাল্লোই ঘিজ্যন্। মাত্তর্ মুই তারার্ শঅরানি উগুরে আগুন পাদেম্ যিয়েনে তারার্ বেক ঘরানিরে পুড়ি ফেলেব।”

আমোষ 2:5

সেনত্তে যিহূদা উগুরে মুই আগুন পাধেই দিম; সিয়েনে যিরূশালেমর্ ঘরানিরে পুড়ি ফেলেব।”

ওবদিয় 1:1

ওবদিয়র দর্শন। ইদোম দেজর্ পৌইদ্যেনে প্রভু লগেপ্রভু এ বেক্ কধানি কোইয়্যে। আমি লগেপ্রভুত্তুন্ এক্কান হবর্ পেইয়্যেই। তে জাদ্‌‌‌‌‌তুনো ইধু এক্কো দূতোরে পাধেইনে এ কধাগান কবাত্তে কোইয়্যে, “উদো, আঢঅ আমি ইদোম বিরুদ্ধে যুদ্ধো গুরিবাত্তে যেই।”

সখরিয় 11:1

ও লেবানন, তর্ দোরানি খুলি দে, যেনে আগুনানে তর্ এরস গাজ্‌‌‌‌‌চুন গজক্ গুরি পারে।