2 দোল্ আর আরামে থেইয়্যে সিয়োন-ঝিবোরে মুই ভস্ত গুরিম।
সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।
এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”
হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।
ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্তান সাগর ধোক্ক্যেন দাঙর্; কন্না তরে গম্ গুরি পারে?
যিগুনে একদিন গম্ গম্ হানা হেদাক্ তারা ইক্কিনে অভাবত্ পধে পধে রোইয়োন। যিগুনে মংগা বিগুনো রঙর্ কাবড়্ উরিনে মানুচ্ ওইয়োন তারা ইক্কিনে ছেইয়ো কুড়োত্ পড়ি আগন্।
তমা ভিদিরে যে মিলেবো নরম খাচ্চ্যদর্ আর এমন্ গম্ অবস্থায় মানুচ্ ওইয়্যে যে তাত্তুন্ কনদিন মাদিত্ টেং ফেলা ন অয়, তার্ আর তার কোচ্পেইয়্যে নেক্কো আর ঝি-পূঅগুনো উগুরে কনঅ দোয়েমেয়্যে ন থেবঅ।
