যিরমিয় 52:25 - Chakma Bible

²⁵ যিগুনে সেক্কেয়ো শঅরত্ এলাক্ তারা ভিদিরেত্তুন্ তে যোদ্ধাগুনে উগুরে নেযেয়্যে এক্কো কামগুরিয়্যে আর রাজার সাতজন সল্লাদিয়্যেরে ধুরিলো। ইগুনবাদে সেনাপতির লিগিয়্যেবো, যিবে সৈন্যদলত্ মানুচ্ ভত্তি গোরেদ তারে আর শঅর ভিদিরে পেইয়্যে আরঅ ষায়েটজন মান্‌‌জ্যরেয়ো ধুরিলো।

যিরমিয় 52:25 ပူးပေါင်းရင်းမြစ်များ

২ রাজাবলী 25:19

যিগুনে সেক্কেয়ো শঅরত্‌ এলাক্‌ তারা ভিদিরেত্তুন্‌ তে যোদ্ধাগুনে উগুরে নেযেয়্যে এক্কো কাম্‌গুরিয়্যে আর রাজার পাচজন সল্লা দিয়্যেরে ধুরিলো। ইগুনবাদেয়ো সেনাপতিগুনোর লিগিয়্যেবো, যিবেই সৈন্যদলর্‌ মানুচ্‌ ভুত্তি গুরিদো তারে আর শঅর ভিদিরে পেইয়্যে আর ষায়েটজন মান্‌জ্যরেয়ো ধুরিলো।

ইষ্টের 1:14

সেই সল্লাদিয়্যেগুনো ভিদিরে কর্শনা, শেথর, অদ্‌মাথা, তর্শীশ, মেরস, মর্সনা আর মমূখন উগুরে রাজা বেশ্‌ বিশ্বেজ্ গুরিদো। রাজার মুজুঙোত্‌ পারস্য আর মাদিয়া দেজর্‌ এ সাতজন দাঙর্‌ পোজিশনর্‌ কামগুরিয়্যে আঝিল্ অবার্‌ অধিকার্‌ এলঅ আর রেজ্য ভিদিরে বেগত্তুন্‌ দাঙর্‌ জাগা এলদে তারার্‌।

যিরমিয় 36:10

সেক্কে লগেপ্রভুর ঘর নূয়ো গেট্টো ইধু উগুরে উদোনত্ শাফনর পুয়ো গমরিয় লিগিয়্যেবোর ঘুদিবোত্ থিয়্যেইনে বারূকে সে বোইবোত্তুন্ যিরমিয়র কধানি বেক মানুচ্চুনো মুজুঙোত্ পড়িলো।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।