যিরমিয় 52:14 - Chakma Bible

¹⁴ রাজার রোক্ষিদলর্ সেনাপতিবোর্ তলেদি বাবিলীয় বেক্ সৈন্যদলুনে যিরূশালেমর দেবালান ভাঙি ফেলেলাক্।

যিরমিয় 52:14 ပူးပေါင်းရင်းမြစ်များ

২ রাজাবলী 25:10

রাজার রোক্ষ্যেদলর সেনাপতি অধীনোত্‌ বেক্‌ বাবিলীয় সৈন্যদলুনে যিরূশালেম দেবালানি ভাঙি ফেলেলাক্‌।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

যিরমিয় 39:8

বাবিলীয়গুনে রাজঘরত্ আর মান্‌জ্য ঘরত্ আগুন বাজেই দিলাক্ আর যিরূশালেমর দেবালানি ভাঙি ফেলেলাক্।

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

যিহিষ্কেল 26:12

তারা তর্ ধন-সোম্বোত্তিগানি আর তর্ বেবসার জিনিসচানি লুদেবাক্; তারা তর্ দেবালান ভাঙি ফেলেবাক্, দোল্ দোল্ ঘরানি ভস্ত গুরি দিবাক্ আর তর্ পাত্তরুন, তক্তানি আর ধূল্যেনি সাগরত্ ফেলেই দিবাক্।

দানিয়েল 2:14

রাজার বডিগাত্তুনোর্ সেনাপতি অরিয়োকে যেক্কে সেই সল্লাদিয়্যেগুনোরে মারে ফেলেবাত্তে নিগিলিলো সেক্কে দানিয়েলে বুদ্ধি গুরি উজিয়ারে তা লগে কধা কলঅ।