যিরমিয় 51:58 - Chakma Bible

⁵⁸ বাবিল দাডঅ দেবালান্ ভাঙিনে সং গুরি ফেলা অবঅ আর তার অজল্ গেট্‌‌‌‌‌‌‌‌‌‌‌তুনোত্ আগুন ধুরি দিয়্যে অবঅ। মানুচ্চুনে মিজে মিজে নিজোরে বল্‌পোজ্যে গুরিবাক্, জাদ্‌‌‌‌‌‌‌‌‌‌‌তুনোর কামর্ ফল আগুনোত্ পড়ি যেবঅ।”

যিরমিয় 51:58 ပူးပေါင်းရင်းမြစ်များ

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

যিশাইয় 13:2

লগেপ্রভু কোইয়্যেদে, “তুমি গাজ্ বাজ্ নেইয়্যে মুড়োবো মাঢা উগুরে এক্কান্ বাবতা তুলো; রঅ ছাড়িনে যোদ্ধাগুনোরে ডাগ আর আজল্ মানুচ্চুনোর গেদো ইন্দি সোমেবাত্তে আঢ্‌তোই যোদ্ধাগুনোরে ইজিরে দুয়ো।‌

যিশাইয় 47:13

তুই যেদক্কানি সল্লা পেইয়োচ্ সিয়েনি বানা তরে বল্‌‌‌পোজ্যে গোজ্যে। তর্ গোণোক্ক্যেগুনো মুজুঙোত্ এজোদোক্; তারাগুন দেগিনে মাসর্ পর মাস যিগুনে আগাম্ কধা কন্ তারা তঅ উগুরে যিয়েনি এজের্ সিয়েনিত্তুন্ তরে রোক্ষ্যে গোরোদোক্।

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

যিরমিয় 51:30

বাবিল যোদ্ধাগুন যুদ্ধো গরানা থামেয়োন; তারা তারার তাম্বুলো ভিদিরে রোইয়োন। তারার খেমতা ফুরেই যেইয়্যে; তারা মিলে ধোক্ক্যেন বল্‌‌‌‌‌‌পোজ্যে ওই যেইয়োন। তারার থেবার জাগানিত্ আগুন বাজেই দিয়্যে ওইয়্যে; বাবিলর্ বেক্ গেট্‌‌‌‌‌‌তুনোর্ লাগাড়াগুন ভাঙি ফেলা ওইয়্যে।

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিরমিয় 51:64

সে পরেদি কবে, ‘এবাবোত্যেগুরি বাবিলান ডুবিবো, আর ন-উদিবো, কিত্যে লগেপ্রভু সিয়েন উগুরে দযা আনিবো। তে এক্কুবারে শেজ্ ওই যেবঅ।’ ” যিরমিয়র কধা ইয়োদোই থুম্ অলঅ।

যিরমিয় 51:9

মান্‌‌‌‌জ্যে কন্, “আমি বাবিলরে গম্ গুরিবাত্তে চেরেস্‌‌‌‌টা গুরির্, মাত্তর্ তে গম্ ন-অয়। আঢঅ, আমি তারে ছাড়িনে যে যার্ দেজত্ যেই, কিত্তে তার্ সাজাগান আগাজত্ সং লুম্বেগোই, সিয়েন মেঘ সং অজলত্ উঠ্যেগোই।”

যিরমিয় 9:5

সমাজ্যে সমাজ্যেরে ঠগায় আর কনজনে সত্য কধা ন-কন। তারা তারার জিলানরে মিজে কধা কবাত্তে শিগেয়োন; পাপ গুরি গুরি তারা নিজোরে বল্‌পোজ্যে গোজ্যন। ‌‌‌‌

আবিলেচ্ 5:5

যিগুনে আমারে লোড়েয়োন্ তারা আমা ইধু এইনে লুম্বোন্দি; আমি বল্‌পোজ্যে ওইয়্যেই, জিরেন্ ন-পের্।

হবক্‌‌‌‌কূক 2:13

বেগত্তুন্ খেমতাবলা লগেপ্রভু থির্ গোজ্যেদে যে, জাদ্‌‌‌‌তুনোর কামর্ ফল আগুনোত্ পুড়ি যেবঅ আর তারা মিজে মিজে নিজোরে বল্‌‌‌‌পোজ্যে গুরিবাক্।