যিরমিয় 51:43 - Chakma Bible

⁴³ তার শঅরানি ভস্ত ওই যেবঅ। সিয়েনি অবঅ শুগুনো আর ধূল্যেচর দেজ্; সেই দেজত্ কনজনে বজত্তি ন-গুরিবাক্, সিয়েন ভিদিরেদি কনজনে যানা-এযানা ন-গুরিবাক্।

যিরমিয় 51:43 ပူးပေါင်းရင်းမြစ်များ

গীতসংহিতা 46:8

এজ, লগেপ্রভুর নানান বাবোত্যে কামানি চগি- তে পিত্‌থিমীত্ ভস্তগান ডাগি আন্যে,

যিশাইয় 13:20

সিয়েন ভিদিরে আর কনদিন্‌অ থেবার্ জাগা ন-অবঅ বা বংশর পর বংশ ধুরিনে কনজনে সিয়েনত্ বজত্তি ন-গুরিবাক্। কনঅ আরবীয় সিয়েনত্ তাম্বুল্ ন-ফেলেবাক্, কনঅ গরগে সিয়েনত্ তা এ্যামানুনোরে জিরেবাত্তে ন-দিবাক্।

যিশাইয় 34:13

কাদাগাজে সিয়েনর্ দাঙর্ দাঙর্ ঘরানি নাঢা যেবঅ, আর তাম্বুলানি নাঢা যেবঅ বিছুটি আর কাদাঝুব্‌পোই। সে দেজ্‌‌চান অবঅ শিয়েল আর উটপেখ্‌কুনোর থেবারজাগা।

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিরমিয় 50:12

সেনত্তে তমা মাবো অমকদ লাজত্ পুরিবো; যে তমারে জর্ম দিয়্যে তে অসর্মান অবঅ। জাদ্‌‌তুনো ভিদিরে তে অবঅ বেগত্তুন্ চিগোন; তে অবঅ এক্কান ধূল্যেচর-চাগালা, এক্কান শুগুনো জাগা, এক্কান দান্‌‌দারাঙে ভূই।

যিরমিয় 51:29

দেজ্ গির্‌‌‌‌‌গিরের্ আর মজরা খার্, কিত্তে বাবিলরে মানুচ্ নেইয়্যে আর উগুজ্যে ভূই গুরি রাগেবার লগেপ্রভুর যে উদ্দেশ্য সিয়েন ঠিগ্ রোইয়্যে।

যিরমিয় 51:37

বাবিলান অবঅ এক্কান ভস্ত ওইয়্যে কুর্, শিয়েলুনোর্ থেবার জাগা আর ঠাট্টা-মশকারির্ জাগা। সিয়েনত্ কনজন বজত্তি ন-গুরিবাক্; তা অবস্থা দেগিনে মানুচ্চুনে আমক্ অবাক্।

যিরমিয় 51:62

সে পরেদি কবে, ‘ও লগেপ্রভু, তুই এ জাগায়ান ভস্ত গুরিবার কধা কোইয়োচ্, সিয়েনত্ মানুচ্ বা য়েমান কনজনে সিয়েন ভিদিরে বজত্তি ন-গুরিবাক্; ইয়েন উমরত্তে মানুচ্ নেইয়্যে ওই থেবঅ।’