যিরমিয় 51:33 - Chakma Bible

³³ মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, “বাবিল-ঝি শোজ্য মারিবার সময়োর হানা ধোক্ক্যেন ওইয়্যে; খেত্-খেত্তি কাবেদে ধোক্ক্যেন তারে কাবি ফেলেবার সময় যাদিমাদি এবঅ।”

যিরমিয় 51:33 ပူးပေါင်းရင်းမြစ်များ

যিশাইয় 18:5

খেত্-খেত্তি কাবিবার আগেদি যেক্কে ফুল আর ন-থেবঅ আর সে ফুল্লো আংগুর ওইনে পাগিবো সে অক্তত্ ছুরিলোই তে কুজি ডেলাগুন কাবি ফেলেব আর ছিদি পোজ্যে ডেলাগুন সোরেই দিবো।

যিশাইয় 21:10

ও মঅ মানুচ্চুন্, খেত-খেত্তি ধোক্ক্যেন্ তমারে দঅ মাড়া ওইয়্যে। বেগত্তুন্ খেমতাবলা লগেপ্রভু ইত্তুন্, ইস্রায়েলর গোজেন ইত্তুন্ মুই যিয়েনি শুন্ন্যং সিয়েনি তমারে জানেলুং।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিরমিয় 51:32

তা গাঙান আঢিনে পার্ অইদ্যে জাগায়ান গজক্ গরা ওইয়্যে, নলঝারত্ আগুন বাজেই দিয়্যে ওইয়্যে আর সৈন্যগুনে অমকদ দোরেয়োন।”

হোশেয় 6:11

ও যিহূদা, তত্তেয়ো খেত্-খেত্তি কাবিবার সময় ঠিগ্ গরা ওইয়্যে।

যোয়েল 3:13

তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

আমোষ 1:3

লগেপ্রভু কত্তে, “দামেস্কর তিনেন্ পাপ, এমন কি, চেরান্ পাপত্তে মুই হামাক্কায় তারে সাজা দিম, কিত্যে লুয়োর্ কাদাবলা মাড়েদে-মেশিনদোই তে গিলিয়দরে মাজ্যে।

মীখা 4:12

মাত্তর্ তারা লগেপ্রভুর পরিকল্পনাগানর কধা হবর্ ন-পান; তারা বুঝি ন-পারন যে, তে শোজ্যবনা ধোক্ক্যেন্ খামারত্ মাড়িবাত্তে তারারে এগত্তর্ গোজ্যে।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

হবক্‌‌‌‌কূক 3:12

রাগে তুই পিত্‌থিমীর ভিদিরেদি উজেই গেলে আর বেজার্ ওইনে জাদ্‌তুনোরে টেঙোই মারিলে।

মথি লেখ্যে গম্ হবর্ 13:30

শোজ্য কাবিবার অক্ত সং ইগুনোরে একসমারে বাড়িবাত্তে দুয়ো। যিগুনে শোজ্য কাবন্, মুই সেক্কে তারারে কোম্ যেন তারা পত্তমে লেঙেরা ঘাস্‌চানি থুবেইনে পুড়িবাত্তে বনা বনা গুরি বানন্, আর সে পরেদি গমুন্ মঅ গোলা ঘরত্ তুবোন্।’ ”

মথি লেখ্যে গম্ হবর্ 13:39

যে শত্রুবো বীজি ফেলেয়্যে তে অলঅ শদান্, আর শোজ্য কাবিবার অক্তবো অলঅ এ যুগোর্ থুম্ সময়। যিগুনে শোজ্য কাবিবাক্ তারা অলাক্ স্বর্গদূত।