যিরমিয় 51:3 - Chakma Bible

³ বাবিল ধনুবলাবো তার্ ধনুগান ন-টানোক্ বা তে তার্ সেল্‌লো ন-পোরোক্। তা গাবুজ্যেগুনোরে ছাড়ি ন-দুয়ো; তার সৈন্যদলুনোরে পুরোপুরিগুরি ভস্ত গুরি দুয়ো।

যিরমিয় 51:3 ပူးပေါင်းရင်းမြစ်များ

গীতসংহিতা 137:9

যে মানুচ্চো তঅ চিগোন চিজিগুনোরে ধুরিনে শিলো উগুরে আজেরেব তে বর্ পেইয়্যে!

যিরমিয় 46:4

ঘোড়াগুনোরে সাজেইনে সিগুনো উগুরে চড়। মাঢা রোক্ষ্যে গুরিবার তোক্ক্যেগুন মাঢাত্ দিইনে জাগানত্ যেইনে থিয়্যেয়ো। তমা যাদিগুন চোগ্‌‍‍‍‍চোখ্যে গুরি নেযঅ। যুদ্ধোর্ পোজাক্ উরো।

যিরমিয় 50:14

ও ধনুবলাগুন, তুমি বেক্কুনে যুদ্ধোত্তে জাগালোই বাবিল চেরোকিত্তে থিয়ো। তাইন্দি সেল্ মারঅ। কনঅ সেল্ থোই ন-দুয়ো, কিত্তে তে লগেপ্রভুর বিরুদ্ধে পাপ গোজ্যে।

যিরমিয় 50:21

“ও বাবিল শত্রুগুন, মুই লগেপ্রভু কঙর্, তুমি মরাথয়িম দেজ্‌‌‌‌‌‌চানরে আর যিগুনে পকোদত্ বজত্তি গরন তারারে আক্রমণ গরঅ। তারারে লড়অ, মারে ফেল আর পুরোপুরি ভস্ত গুরি দুয়ো; মুই তমারে যে যে উগুমানি দুয়োং সিয়েনি বেক্কানি তুমি পালেবে।

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।