যিরমিয় 51:28 - Chakma Bible

²⁸ তা বিরুদ্ধে যুদ্ধো গুরিবাত্তে জাদ্‌‌‌‌তুনোরে, মাদীয় রাজাগুনোরে, তারার্ শাজন্‌গুরিয়্যে গুনোরে আর বেক্ রাজার কামগুরিয়্যে গুনোরে আর তারার শাজনর্ অধীন বেক্ রেজ্যগানিরে যুক্কোল্ গরঅ।

যিরমিয় 51:28 ပူးပေါင်းရင်းမြစ်များ

পত্থম 10:2

যেফত পুয়োগুন্‌ অলাক্‌ গোমর, মাগোগ, মাদয়, যবন, তূবল, মেশক আর তীরস।

১ বংশধর 1:5

যেফতর পুয়োগুনে অলাক্‌ গোমর, মাগোগ, মাদয়, যবন, তুবল, মেশক আর তীরস।

ইষ্টের 1:3

তার্‌ রেজ্যর্‌ তিন বজরত্‌ তে তার্‌ বেক্‌ মানুচ্চুনোরে আর মুরব্বীগুনোত্তে এক্কো হানা দিলো। তারা ভিদিরে এলদে পারস্য আর মাদিয়া দেজর্‌ সেনাপতিগুনে, মুরুব্বীগুনোরে আর রেজ্যগানির্ দাঙর্‌ পোজিশনর্‌ মানুচ্চুনোরে।

ইষ্টের 10:2

তা খেমতা আর বলর্‌ বেক্‌ কধানি আর মর্দখয়রে রাজা যেধোক্ক্যেন্‌ গুরিনে দাঙর্‌ পদ দিইনে দাঙর্ গোজ্যে সেই বেক্‌ কধানি মাদিয়া আর পারস্যের রাজাগুনোর্‌ বিজগ বোইবোত্‌ লেগা আঘে।

যিশাইয় 13:17

“চঅ, মুই তারা বিরুদ্ধে মাদীয়গুনোরে কাট্ট্যেই দিম্। তারা রূবোনি ইন্দি খিয়েল্ ন-গুরিবাক্ আর সনালোইয়ো ফুত্তি ন-গুরিবাক্।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিরমিয় 25:25

সিম্রী, এলম আর মাদীয়গুনোর বেক রাজাগুনোরে;

যিরমিয় 50:41

“চাহ্, একদল সৈন্য উত্তোরেত্তুন এত্তন্; পিত্‌‌‌‌থিমীর শেজ্ দুযিত্তুন এক্কো দাঙর্ জাদে আর ভালোক্কুন রাজায় উত্তেজিত ওইনে এত্তন্।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:27

“তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যিরমিয় 51:29

দেজ্ গির্‌‌‌‌‌গিরের্ আর মজরা খার্, কিত্তে বাবিলরে মানুচ্ নেইয়্যে আর উগুজ্যে ভূই গুরি রাগেবার লগেপ্রভুর যে উদ্দেশ্য সিয়েন ঠিগ্ রোইয়্যে।

দানিয়েল 6:1

দারিয়াবসে তা রেজ্যর্ বেক রেজ্যগানি উগুরে একশ কুড়ি জন শাজন্‌গুরিয়্যে নেযানা যগাজ্যে মনে গুরিলো।

দানিয়েল 6:8

ইক্কিনে ও মহারাজ, তুই সেই উগুমান লিগিনেই দিবে যেনে ইয়েন্‌অ মাদীয় আর পারসীককুনোর্ আরঅ এক্কান আইন অয় যিয়েন বাদ্ বা বদলা ন-যায়।”

দানিয়েল 8:20

তুই দ্বিশিঙোর্ যে ভেড়াবো দেখ্যচ্ সিগুন অলাক্ মাদীয় আর পারসীক রাজাগুন।

দানিয়েল 9:1

মাদীয় অহশ্বেরশের পুয়ো দারিয়াবসরে বাবিল রেজ্যর্ রাজা গরা ওইয়্যে। তার্ রাজাগিরির্ পত্তম বজরত্ মুই দানিয়েল ভাববাদী যিরমিয়রে দিয়্যে লগেপ্রভুর কধা মজিম্ বোইবোত্তুন্ বুঝি পারিলুং যে, যিরূশালেমান সত্তুর্ বজর ভস্ত ওইনে পড়ি থেবঅ।