যিরমিয় 51:20 - Chakma Bible

²⁰ লগেপ্রভু কোইয়্যেদে, “ও বাবিল, তুই মর্ যুদ্ধোর্ মুগোড়্, মর্ যুদ্ধোর্ আত্যের্; তরে দিইনে মুই জাদ্‌‌‌‌‌‌‌‌‌‌‌তুনোরে চুরমার গুরিম, তরে দিইনে রেজ্যগানিরে ভস্ত গোজ্যং;

যিরমিয় 51:20 ပူးပေါင်းရင်းမြစ်များ

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 37:26

তুই কি ন-শুনোচ্, বোউত্ আগে মুই সিয়েনি ঠিগ্ গুরি রাগেয়োং, বোউত্ আগেদি মুই সিয়েনির পরিকল্পনা গোজ্যং? আর ইক্কিনে মুই সিয়েনি ঘোদেলুং। সেনত্তে দঅ তুই দেবাল্-ঘিজ্যে শঅরানি পাত্তরর কুর্ গুরি পাজ্যস্।

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিশাইয় 8:9

“ও জাদ্‌তুন্, তুমি এগত্তর্ অ, মাত্তর্ তুমি ভস্ত অবা; ও দূরোর্ দেজ্‌‌ছানি, শুনো, তুমি যুদ্ধোত্তে যুক্কোল্ অ, মাত্তর্ তুমি ভস্ত অবা; অয়, যুদ্ধোত্তে যুক্কোল অ, মাত্তর্ তুমি ভস্ত ন-অবা।

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 50:23

পুরো পিত্‌থিমীর আদুড়োবু কিবাবোত্যেগুরি ভাঙিনে কট্টা কট্টা ওই গেলঅ। বাবিল অবস্থাগান্ দেগিনে বেক্ জাদ মানুচ্চুনে কেধোক্ক্যেন আমক্ ওই যেইয়োন।

যিহিষ্কেল 21:11

লগেপ্রভু কোইয়্যেদে, লাম্বা ছুরিগান্ পালিশ্ গরা ওইয়্যে যেন সিয়েন বেবহার গরা যায়; যে মারে ফেলেব তা আঢত্ দিবাত্তে সিয়েন ধারানা আর পালিশ্ গরা ওইয়্যে।

যিহিষ্কেল 21:31

মঅ রাগ্‌‌‌‌‌কান মুই তমা উগুরে ঢালি দিম আর তমা বিরুদ্ধে মর্ অমকদ রাগর্ আগুনোত্ ফুন্ দিম। মুই তমারে এমন চিৎনপুজ্যে মান্‌‌‌‌‌‌‌জ্য আঢত্ তুলি দিম যিগুনে ভস্ত গুরিবার কামত্ কাবিল্।

মীখা 4:12

মাত্তর্ তারা লগেপ্রভুর পরিকল্পনাগানর কধা হবর্ ন-পান; তারা বুঝি ন-পারন যে, তে শোজ্যবনা ধোক্ক্যেন্ খামারত্ মাড়িবাত্তে তারারে এগত্তর্ গোজ্যে।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

নহূম 2:1

ও নীনবী, যে মানুচ্চো ছিদি-বিদি দে তে তঅ বিরুদ্ধে উজেই এজের্। তাম্বুলোত্ তঅ সৈন্যগুন সাজা, পথ্‌‌‌তানি চুগি দে, কমর্‌‌‌বো দরমর গর্, তঅ সৈন্যদলুন্ যুক্কোল্ রাগা।

সখরিয় 10:4

যিহূদাত্তুন্ কুণো পাত্তর্, তাম্বুলোর্ খুদো, যুদ্ধোর ধনু আর বেক্ শাজন্‌ গুরিয়্যেগুন এবাক্।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।