যিরমিয় 51:12 - Chakma Bible

¹² বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিরমিয় 51:12 ပူးပေါင်းရင်းမြစ်များ

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 13:2

লগেপ্রভু কোইয়্যেদে, “তুমি গাজ্ বাজ্ নেইয়্যে মুড়োবো মাঢা উগুরে এক্কান্ বাবতা তুলো; রঅ ছাড়িনে যোদ্ধাগুনোরে ডাগ আর আজল্ মানুচ্চুনোর গেদো ইন্দি সোমেবাত্তে আঢ্‌তোই যোদ্ধাগুনোরে ইজিরে দুয়ো।‌

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 50:25

মুই মর্ আত্যার্ ঘরানি খুলিনে মঅ রাগর্ আত্যেরানি নিগিলেই আনিলুং, কিত্তে বাবিলীয়গুনো দেজত্ বেগত্তুন্ খেমতাবলা প্রভু লগেপ্রভুর কাম্ আঘে।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:27

“তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যিরমিয় 51:29

দেজ্ গির্‌‌‌‌‌গিরের্ আর মজরা খার্, কিত্তে বাবিলরে মানুচ্ নেইয়্যে আর উগুজ্যে ভূই গুরি রাগেবার লগেপ্রভুর যে উদ্দেশ্য সিয়েন ঠিগ্ রোইয়্যে।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

নহূম 2:1

ও নীনবী, যে মানুচ্চো ছিদি-বিদি দে তে তঅ বিরুদ্ধে উজেই এজের্। তাম্বুলোত্ তঅ সৈন্যগুন সাজা, পথ্‌‌‌তানি চুগি দে, কমর্‌‌‌বো দরমর গর্, তঅ সৈন্যদলুন্ যুক্কোল্ রাগা।

যিহোশূয় 8:14

ইস্রায়েলীয়গুনোরে দেগিনে অয়র রাজা তারা সমারে যুদ্ধো গুরিবাত্তে বেন্যেমাদান্ যাদিমাদি উদিনে বেক্‌ মানুচ্চুনোরে নিইনে শঅ‌রত্তুন্‌ নিগিলিনে অরাবা সংজাগান ইদু এক্কান ঠিগগোজ্যে জাগাত্‌ গেলাক্‌। মাত্তর্ তে হবর্ ন-পেদঅ‌, শঅরর্‌ পিজেন্দি তা বিরুদ্ধে একদল সৈন্য লুগিই আগন্‌।