যিরমিয় 51:10 - Chakma Bible

¹⁰ আমি যে লগেপ্রভুর নিজোর্ মানুচ্ তে সিয়েন দেগেই দিয়্যে, আমা গোজেন লগেপ্রভু যিয়েনি গোজ্যে এজঅ, আমি সিয়েনি সিয়োনত্ কোই।

যিরমিয় 51:10 ပူးပေါင်းရင်းမြစ်များ

গীতসংহিতা 118:17

মুই ন-মুরিম, বাঁজি থেম, আর লগেপ্রভু যিয়েনি গোজ্যে সিয়েনি ফগদাং গুরিম।

গীতসংহিতা 37:6

তেয়ই তর্ ধার্মিকতাগানরে পহর্ ধোক্ক্যেন ফোট্‌‌ফোট্যে গুরিবো; তর্ ন্যায় কামানরে দিবুজ্যে রোদো ধোক্ক্যেন সাব্ গুরিবো।

গীতসংহিতা 64:9

সেক্কেনে বেক্কুনোর মনত্ দর্‌বুক লাগিবো; গোজেনে যিয়েন গোজ্যে তারা সিয়েন ফগদাং গুরিবাক্ আর সেই কধাগান ভাবিবাক্।

গীতসংহিতা 66:16

তুমি যিগুনে গোজেনরে ভোক্তি গরঅ তুমি বেক্কুনে এইনে শুনো; তে মত্তে যিয়েনি গোজ্যে সিয়েনি মুই তমারে কঙর্।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যিশাইয় 24:14

তারা রঅ ছাড়িবাক্ আর হুজিয়ে গান গেবাক্। তারা পোজিমেত্তুন্ দাঙর্ দাঙর্ গুরি লগেপ্রভুর মহিমাগানর্ বাঈনী গুরিবাক্।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 50:45

সেনত্তে বাবিল বিরুদ্ধে লগেপ্রভু কি পরিকল্পনা গোজ্যে, বাবিলীয়গুনো বিরুদ্ধে তে কি ঠিগ্ গোজ্যে সিয়েন শুনো-পাল ছঅগুনোরে টানি নেযা অবঅ; তারার কামানিত্তে তারার চোড়েয়্যে ভূইয়ানি তে এক্কুবারে ভস্ত গুরি দিবো।