যিরমিয় 50:44 - Chakma Bible

⁴⁴ যর্দনর ঝারত্তুন্ সিংহ যেবাবোত্যেগুরি উদি এইনে দোল্ চোরেয়্যে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে বাবিলীয়গুনোরে তারার দেজত্তুন্ লোড়েই দিম্। মুই সিয়েন উগুরে মর্ বেঈ লোইয়্যে মানুচ্চোরে নেযেম। কন্না মঅ সং সং? কন্না মঅ বিরুদ্ধে থিয়্যেই পারে? কন্ গরগে মঅ বিরুদ্ধে টিগি থেই পারে?”

যিরমিয় 50:44 ပူးပေါင်းရင်းမြစ်များ

গীতসংহিতা 89:6

স্বর্গ ইদু এন্ কন্না আঘে যিবেরে লগেপ্রভুর লগে সং গুরি পারে? স্বর্গদূত্‌তুনো ভিদিরে কন্না লগেপ্রভুর সং সং?

গীতসংহিতা 89:8

ও লগেপ্রভু, বেগত্তুন খেমতাবলা গোজেন, কন্না আগে তঅ ধোক্ক্যেন খেমতাবলা, ও লগেপ্রভু? তর্ বিশ্বেজ্‌ছানে তরে ঘিরি আঘে।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিশাইয় 40:25

সেই সুদ্ধো-সাংগ মানুচ্চো কোইয়্যেদে, “তুমি কা লগে মরে তুলনা গুরিবে? কন্না মর্ সং সং?”

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 46:11

মঅ উদ্দেশ্যগান পুরেবাত্তে মুই এক্কো মান্‌জ্যরে দূর দেজত্তুন্ ডাগি আনিম; তে পূগ দেজত্তুন্ শিগেরী পেগো ধোক্ক্যেন্ এবঅ। মুই যিয়েনি কোইয়োং সিয়েনি মুই সফল গুরিম আর যিয়েনি পরিকল্পনা গোজ্যং সিয়েনি গুরিম।

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যিশাইয় 48:14

তুমি বেক্কুনে এগত্তর্ ওইনে শুনো। মূত্তিগুনো ভিদিরে কুবো ইয়েনি পৌইদ্যেনে আগে কোইয়্যে? বাবিলো বিরুদ্ধে লগেপ্রভুর বেঈ লোইয়্যে মানুচ্চো তা নিজোর আওজ্‌‌চান পুরেব; লগেপ্রভুর আঢ্‌তানি বাবিলিয়গুনোর বিরুদ্ধে উদিবো।‌

যিরমিয় 12:5

মান্‌‍‍‌‌‌‌‌‌জ্য লগে ধাবা দেনাত্ যুনি তুই বল্‌পোজ্যে ওই পড়চ্ সালে ঘোড়াগুনো লগে ধাবা দেদি তুই কেধোক্ক্যেন গুরি পারিবে? বানা সুগ্ শান্দিবলা দেজত্ যুনি তুই নিজোরে নিরাপদ মনে গরচ্ সালে যর্দনর পার ঝারত্ তুই কেধোক্ক্যেন গুরি থেবে?‍‍‌‌‌‌‌‌

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 30:21

তারার নেতা অবঅ তারাত্তুন্ একজনে; তারা ভিদিরেত্তুন তারার শাজন্‌গুরিয়্যে উদিবাক্। মুই তারে ডাগিম আর তে মইধু এবঅ, কিত্তে মুই ন-ডাগিলে কন্না সাহস গুরিনে মইধু এই পারে?

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।