যিরমিয় 50:32 - Chakma Bible

³² সেই বাড়্‌‌‌বোগুরিয়্যেবো উজোত্ হেইনে পড়ি যেবঅ আর কনজনে তারে উদিবাত্তে বল্ ন-দিবাক্; তা শঅরানিত্ মুই আগুন ধোরেই দিম্, সিয়েনে তা চেরোকিত্তে বেক্কানি পুড়ি ফেলেব।”

যিরমিয় 50:32 ပူးပေါင်းရင်းမြစ်များ

গীতসংহিতা 119:78

মিজে কধা কোইনে মরে দজাত্ ফেলেবাত্তে বাড়্‌বো গুরিয়্যেগুনে লাজত্ পোড়োদোক্; মাত্তর্ মুই তর্ সুদোমানি পৌইদ্যেনে ধ্যান গুরিম।

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

যিরমিয় 21:14

মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

যিরমিয় 49:27

দামেস্কর দেবালানিত্ মুই আগুন বাজেই দিম্; সিয়েন বিন্‌হদদর তাম্বুলানি পুড়ি ফেলেব।”

যিরমিয় 51:26

মান্‌‌জ্যে কুণো পাত্তর্‌‌বোত্তে তত্তুন্ কনঅ পাত্তর্ ন-নিবাক্, গড়াগানত্তেয়ো ন-নিবাক্; তুই জিংকানিবর্ মানুচ্ নেইয়্যে ওই থেবে।

যিরমিয় 51:64

সে পরেদি কবে, ‘এবাবোত্যেগুরি বাবিলান ডুবিবো, আর ন-উদিবো, কিত্যে লগেপ্রভু সিয়েন উগুরে দযা আনিবো। তে এক্কুবারে শেজ্ ওই যেবঅ।’ ” যিরমিয়র কধা ইয়োদোই থুম্ অলঅ।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

আমোষ 1:10

সেনত্তে মুই সোর দেবাল উগুরে আগুন পাধেই দিম; সিয়েনে তার্ ঘরানি পুড়ি ফেলেব।”

আমোষ 1:12

সেনত্তে মুই তৈমন উগুরে আগুন পাদেম; সিয়েনে বস্রার ঘরানিরে পুড়ি ফেলেব।”

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 1:4

সেনত্তে মুই হসায়েলর রাজঘরান উগুরে আগুন পাদেম; সিয়েনে বিন্‌‌হদদর্ ঘরানিরে পুড়ি ফেলেব।

আমোষ 1:7

সেনত্তে মুই গাজার দেবাল উগুরে আগুন পাদেম; সিয়েনে তার ঘরানিরে পুড়ি ফেলেব।

আমোষ 2:2

সেনত্তে মুই মোয়াব উগুরে আগুন পাধেই দিম; সিয়েনে করিয়োতর্ ঘরানিরে পুড়ি ফেলেব। যুদ্ধোর্ ডাগ্ আর শিংগার রবো সমারে অমকদ যাগুলুক্ বাঁজিনে মোয়াবর অদপতন্ অবঅ।

আমোষ 2:5

সেনত্তে যিহূদা উগুরে মুই আগুন পাধেই দিম; সিয়েনে যিরূশালেমর্ ঘরানিরে পুড়ি ফেলেব।”

আমোষ 5:2

“গাবুরী ইস্রায়েলে পড়ি যেইয়্যে, তে আর কনদিন্‌অ ন-উদিবো; তারে তা নিজো মাদিত্ ফেলেই রাগা ওইয়্যে, তারে তুলিবার কনজন নেই।”

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”