যিরমিয় 50:12 - Chakma Bible

¹² সেনত্তে তমা মাবো অমকদ লাজত্ পুরিবো; যে তমারে জর্ম দিয়্যে তে অসর্মান অবঅ। জাদ্‌‌তুনো ভিদিরে তে অবঅ বেগত্তুন্ চিগোন; তে অবঅ এক্কান ধূল্যেচর-চাগালা, এক্কান শুগুনো জাগা, এক্কান দান্‌‌দারাঙে ভূই।

যিরমিয় 50:12 ပူးပေါင်းရင်းမြစ်များ

যিশাইয় 14:22

বেগত্তুন্ খেমতাবলা লগেপ্রভু কোইয়্যেদে, “মুই তারা বিরুদ্ধে উদিম্; বাবিলো নাঙান্ আর তার বাঁজি থেইয়্যে মানুচ্চুনোরে আর তা বংশধরুনোরে মুই এক্কুবারে শেজ্ গুরি দিম্।

যিশাইয় 23:13

বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 15:9

সাত্‌‍তো পুয়ো-ছার্ মা বল্‌পোজ্যে ওইনে লাজে আর অগমান অবস্থায় শেজ্ নিজেস্ ফেলেবাক। সময় থাগদে তা জিংকানির বেলান ডুবি যেবঅ। যিগুনে বাঁজি থেবাক্ তারারেয়ো মুই শত্রুগুনোরে তলোয়ার মুজুঙোত্ দিম।‍‍‍ মুই লগেপ্রভু এ কধাগান কঙর্।”

যিরমিয় 22:6

যিহূদার রাজঘরর বেক জাগানি পৌইদ্যেনে লগেপ্রভু কোইয়্যেদে, যুনিয়ো তুই মইধু গিলিয়দ ধোক্ক্যেন আর লেবানন মোন তোগোন ধোক্ক্যেন তো মুই তরে হামাক্কায় ধূল্যেচর-চাগালা ধোক্ক্যেন বা মানুচ্ নেইয়্যে শঅর ধোক্ক্যেন গুরিম।

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

যিরমিয় 25:26

কায়-কুরে আর দূরোর এক্কোর পর এক্কো উত্তোরেদি বেক রাজাগুনোরে। আজল্ কধা, মুই পিত্‌‌থিমীর বেক জাদ্‌তুনোরে সিয়েন হাবেলুং। ইগুনোর বেক্কুনোর পরেদি শেশকর, অত্তাৎ বাবিলোর রাজায়ো সিয়েন হেবঅ।‌

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিরমিয় 51:43

তার শঅরানি ভস্ত ওই যেবঅ। সিয়েনি অবঅ শুগুনো আর ধূল্যেচর দেজ্; সেই দেজত্ কনজনে বজত্তি ন-গুরিবাক্, সিয়েন ভিদিরেদি কনজনে যানা-এযানা ন-গুরিবাক্।

যিরমিয় 51:47

এমন সময়ান হামাক্কায় এজের্ যেক্কে মুই বাবিল মূত্তিগুনোরে সাজা দিম্; তার পুরো দেজ্‌‌‌‌‌‌‌চানই অসর্মান অবঅ আর সিয়েনর মুরি যেইয়্যে মানুচ্চুন বেক্কুনে সিয়েন ভিদিরে পড়ি থেবাক্।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।

ফগদাং পেইয়্যে 17:5

তা কবালত্ এমন্‌ নাঙ্ লেগা এলঅ যিবে পৌইদ্যেনে এক্কান গুমুরো সত্য আঘে। সেই নাঙান্ অলঅ, “নাঙ্ গোজ্জ্যে বাবিল, বেশ্যেগুনোর আর পিত্‌থিমীর বেক্‌ জঘন্য জিনিজোর্ মা।”