যিরমিয় 5:13 - Chakma Bible

¹³ ভাববাদীগুনে বোইয়্যের ধোক্ক্যেন; তারা ভিদিরে গোজেনর কধা নেই। সেনত্তে তারা যিয়েনি কন্ সিয়েনি তারা উগুরে গরা অবঅ।”

যিরমিয় 5:13 ပူးပေါင်းရင်းမြစ်များ

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

ইয়োব 6:26

মঅ কধাত্‌ কি তুমি দুজ্‌ ধুরিবাত্তে চর্‌? তুমি দঅ মন্‌মরা ওইয়্যে মান্‌জ্যর কধানি বোইয়্যের ধোক্ক্যেন্ মনে গরর্‌।

ইয়োব 8:2

তুই আর কদক্কণ এ কধানি কোই কোই থেবে? তঅ কধানি ঝড় বোইয়্যের ধোক্ক্যেন্‌।

গম্ উপদেজ্ 25:14

যে মানুচ্চো দান গুরিবার পৌইদ্যেনে দাঙর্ দাঙর্ কধা কয় অদচ্ সিয়েন ন-গরে, তে এমন্ হুয়ো আর বোইয়্যের ধোক্ক্যেন যিয়েন সমারে কনঅ ঝড় ন-এজে।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিরমিয় 14:13

ইয়েন্দোই মুই কলুং, “হায়, প্রভু লগেপ্রভু! ভাববাদীগুনে তারারে কদন্, ‘তুমি যুদ্ধো ন-দেগিবা বা ভাদরাদত্অ দুঘ্ ন-পেবা। লগেপ্রভু ঘেচ্চেকগুরি এ জাগানত্ তমারে জনমর্ সুগ্-শান্দি দান গুরিবো।’ ”

যিরমিয় 14:15

সেনত্তে যিদুক্কুন ভাববাদী মঅ নাঙে কধা কদন্ তারা পৌইদ্যেনে মুই লগেপ্রভু এ কধাগান কঙর্, মুই তারারে ন-পাদাং, তো তারা কদন্, কিত্তে যুদ্ধো বা ভাদরাত্ এ দেজত্ ন-এবঅ। সেই বেক্ ভাববাদীগুনে যুদ্ধোত্ বা ভাদরাদত্ ভস্ত ওই যেবাক্।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 28:3

বাবিল রাজা নবূখদ্‌নিৎসরে লগেপ্রভুর ঘরর্ যেদক্কানি পযাপিরা ইয়োত্তুন বাবিলোত্ সোরেই নেযা ওইয়্যে সিয়েনি মুই দ্বি বজর্ ভিদিরে ইধু ফিরেই আনিম।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।