যিরমিয় 49:3 - Chakma Bible

³ “ও হিশ্‌বোন, আবিলেচ্ গর্, কিত্তে অয় শঅর ভস্ত ওই যেইয়্যে। ও রব্বা শঅরর্ আদাম্মেগুন, কানঅ; বস্তা ফাদা উরিনে আবিলেচ্ গরঅ। দেবাল ভিদিরে দাবাদেদি গরঅ, কিত্তে তঅ দেবেদা মিল্‌‌কমে বন্দী ওইনে দূর দেজত্ যেবঅ, আর তা লগে যেবাক্ তার ধর্মগুরু আর দাঙর্ পোজিশন কামগুরিয়্যেগুনে।

যিরমিয় 49:3 ပူးပေါင်းရင်းမြစ်များ

২ শমূয়েল 11:1

জারকালত্‌ যেক্কে রাজাগুনে সচরাসর্‌ যুদ্ধো গুরিবাত্তে নিগিলিদাক্‌ সেক্কে দায়ূদেয়ো যুদ্ধো গুরিবাত্তে যোয়াবরে আর তার্‌ অন্য সেনাপতিগুনোরে আহ্ বেক্‌ ইস্রায়েলীয় সৈন্যগুনোরে পাধেই দিলো। তারা অম্মোনীয়গুনোরে ভস্ত গুরিনে রব্বা শঅরান্‌ ঘিরিলাক্‌। মাত্তর্‌ দায়ূদে যিরূশালেমদই থেলঅ।

১ রাজাবলী 11:33

মুই ইয়েন গুরিম, কিত্তেই সে দশছুয়ো গুট্টিয়ে মরে ছাড়িনে সীদোনীয়গুনোর দেবী অষ্টোরতর্, মোয়াবর দেবেদা কমোশর আর অম্মোনীয়গুনোর দেবেদা মিল্‌কমর পূজো গোজ্যন্‌। শলোমনর্ বাপ্পো দায়ূদে যেধোক্কেন্‌ গুরিদো তারা সেধোক্কেন্‌ ন-গরন্‌। তারা মঅ পধেন্দি ন-আঢন, মঅ চোগেন্দি যিয়েনি ঠিগ সিয়েনি ন-গরন্‌ আর মঅ সুদোমানি আর নিদ্দেশ্‌ছানি ন-পালান।

১ রাজাবলী 11:5

তে সীদোনীয়গুনোর দেবী অষ্টোরতর্ আর অম্মোনীয়গুনোর জঘন্য দেবেদা মিল্‌কমরে সেবা গরা ধুরিলো।

২ রাজাবলী 23:13

যিরূশালেম পূগেন্দি ভস্তর্ মুড়োবোর্‌ দোগিণেন্দি যিদুক্কুন্‌ পূজোর অজল্‌ জাগা এলঅ সিয়েনি তে অসিজি গুরিলো। ইস্রায়েল রাজা শলোমন সীদোনীয়গুনোর জঘন্য দেবী অষ্টোরতত্তেই, মোয়াবর জঘন্য দেবেদা কমোশত্তেই আর অম্মোনর মানুচ্চুনোর জঘন্য দেবেদা মোলকত্তেই এ অজল্‌ জাগায়ানি বানেয়্যে।

ইষ্রা 2:28

বৈথেল আর অয়ের দ্বিশ তেইশজন মানুচ্;

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 16:7

সেনত্তে মোয়াবীয়গুনে তারার্ দেজত্তে একসমারে রঅ ছাড়ি ছাড়ি কানিবাক্, কীর্-হরসতর কিশমিশ পিঠেত্তে তুমি রঅ ছাড়ি ছাড়ি কানিবা আর আবিলেচ্ গুরিবা।

যিশাইয় 23:1

সোর পৌইদ্যেনে লগেপ্রভুর কধাগান ইয়েন: ও দাঙর্ দাঙর্ তর্শীশ-জাহাজ্‌ছানি, আবিলেচ্ গর, কিত্তে সোর ভস্ত ওই যেইয়্যে; সিয়েনত্ ঘরঅ নেই, বন্দর্‌অ নেই। সাইপ্রাস দ্বিবোত্তুন্ তুমি এ হবরান্ পেইয়ো।

যিশাইয় 23:6

ও সাগর পার মানুচ্চুন্, আবিলেচ্ গরঅ; তুমি পার্ ওইনে তর্শীশোত্ যঅ।

যিরমিয় 4:8

সেনত্তে বস্তাপাদা উরিনে আবিলেচ্ আর হাহাকার গরঅ, কিত্তে লগেপ্রভুর জ্বোল্‌‍‍‍জোল্যে রাগ্‌‌‍‍কান আমান্দিত্তুন ফিরি ন-যায়।” ‍‍‍‍‍‍‍

যিরমিয় 46:25

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই নো শঅরর্ দেবেদা আমোনরে, ফরৌণ আর মিসররে, তার দেব-দেবেদা আর রাজাগুনোরে আর যিগুনে ফরৌণ উগুরে বিশ্বেজ্ গরন তারারে বেক্কুনোরে সাজা দিম।

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

যিরমিয় 48:20

মোয়াবে অগমান ওইয়্যে, কিত্তে তে চুরমার ওইয়্যে। তুমি আবিলেচ্ গরঅ আর কানঅ। অর্ণোন গাঙ পারত্ এ কধাগান ফগদাং গরঅ, মোয়াব ভস্ত ওই যেইয়্যে।

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

যিরমিয় 48:7

তুই যেক্কে তঅ কাম্ আর ধন উগুরে নির্ভর গোজ্যস্ সেক্কে তরেয়ো বানিনে নেযা অবঅ, আর কমোশ তা ধর্মগুরু আর রাজার চাগরুনো সমারে বন্দী ওইনে দূরোত্ যেবঅ।

যিরমিয় 49:1

অম্মোনীয়গুনো পৌইদ্যেনে লগেপ্রভু এ কধাগান কোইয়্যে, ইস্রায়েলর কি কনঅ পুয়ো নেই? তা মরানার্ পরেদি তা সোম্বোত্তির্ অধিকারি কি কনজন নেই? সালে মিল্‌‌‌‌‌‌কমে কিত্তে গাদ-গুট্টির জাগানি গজক্ গোজ্যে? কিত্তে মিল্‌‌‌‌‌‌‌কমর পূজোগুরিয়্যেগুন সিদুগোর্ শঅরানিত্ বজত্তি গরদন্?

যিরমিয় 51:8

বাবিল অদাদৎ পড়ি যেইনে ভাঙি যেইয়্যে। তাত্তে আবিলেচ্ গরঅ। তার্ পীড়েগানত্তে মলম আনঅ; অয়ত তে গম্ অবঅ।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

আমোষ 1:15

তার্ রাজা আর তার শাজন্‌গুরিয়্যেগুনোরে এক সমারে বন্দী গুরিনে নেযা অবঅ।”

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।

যিহোশূয় 7:2

যিহোশূয় যিরীহোত্তুন অয় শঅ‌রত্‌ মানুচ্‌ পাদেল। সে শঅ‌রান এলদে বৈথেল শঅরর্‌ পূগেন্দি বৈৎ-আবন শঅরর্‌ কায়। সেই মানুচ্চুনোরে পাদেবার অক্তত্‌ তে তারারে কোই দিলো্‌, “তুমি যেইনে দেজ্‌চান গমেডালে চেই এজঅ‌।” সেনত্তেই মানুচ্চুনে যেইনে গুমুরোত্ অয় শঅরর্‌ হবর্ নিলাক্‌।

যিহোশূয় 8:1

সে পরেন্দি লগেপ্রভু যিহোশূয়রে কলঅ‌, “তুই ন-দোরেচ্‌ আর আজা ন-আরেচ্‌। তর্‌ বেক্‌ সৈন্যদলুন্‌ নিইনে তুই অয় শঅ‌রান আরঅ‌ আক্রমণ গুরিবাত্তে যাহ্‌। অয় শঅরর্‌ রাজা, তা মানুচ্চুন্‌, তা শঅ‌রান্‌ আর দেজচান মুই তঅ‌ আদত্‌ তুলি দুয়োং।

যিহোশূয় 8:28

এধোক্ক্যেনগুরি যিহোশূয় অয় শঅ‌রান্‌ পুড়ি দিইনে সিয়েনরে উমরত্তে এক্কান ভস্তর্ কুড়্‌ বানেই রাগেল; এজঅ‌ সিয়েন্‌ এক্কান পোড়া জাগা ওই আঘে।