যিরমিয় 49:25 - Chakma Bible

²⁵ সেই নাঙ্‌‍‍‌‌‌‌‌‌গোজ্যে শঅরান্, যে শঅরানরে নিইনে মুই হুজি অদুং, কিত্তে মানুচ্চুনে সিয়েন ছাড়িনে ন-যান?

যিরমিয় 49:25 ပူးပေါင်းရင်းမြစ်များ

যিশাইয় 1:26

মুই আগ দিনো ধোক্ক্যেন তরে শাজন্‌গুরিয়্যে আর সল্লাদিয়্যেগুনোরে দিম্; সে পরেদি তরে কুয়া অবঅ ন্যায়র শঅর, সতী শঅর।”

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

যিরমিয় 48:39

তে কিবাবোত্যেগুরি চুর্‌‌মার্ ওইয়্যে! মান্‌‌‌‌জ্যে কেধোক্ক্যেন্‌গুরি তাত্তে আবিলেচ্ গত্তন! মোয়াবে লাজে কেধোক্ক্যেন্‌গুরি তা পিঠ্‌‌‌‌তান ফিরেইয়্যে! মোয়াবে তা চেরোকিত্তে বেক্ মানুচ্চুনো ইধু আজি-ঠাট্টার মানুচ্ ওইয়্যে, আর তা অবস্থা দেগিনে সে মানুচ্চুনে আমক্ ওইয়োন।”

যিরমিয় 51:41

শেশকরে, অত্তাৎ বাবিলরে কিবাবোত্যেগুরি গজক্ গরা অবঅ! গোদা পিত্‌‌থিমীগানর্ বাঈনী গুরিবার মানুচ্চোরে কিবাবোত্যেগুরি অধিকার গরা অবঅ! বাবিলরে দেগিনে জাদ্‌‌তুনে আমক্ অবাক্।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”