যিরমিয় 48:45 - Chakma Bible

⁴⁵ “হিশ্‌বোনর ছাবাত্ ধেই যেইয়্যে মানুচ্চুনে অসহায় ওইনে থিয়্যেই আগন্, কিত্তে হিশ্‌‌‌‌‌বোনত্তুন আগুন আর সীহোনর ভিদিরেত্তুন্ আগুনোর জিল্ নিগিল্যে; সিয়েনে মোয়াবর কবালান আর বেজাল্ গোজ্যে বাড়্‌‌‌‌‌গোজ্যেগুনো মাঢাগুনোর তাল্লোগান পুড়ি দিয়্যে।

যিরমিয় 48:45 ပူးပေါင်းရင်းမြစ်များ

গীতসংহিতা 135:11

তে ইমোরীয়গুনোর রাজা সীহোনরে, বাশনর রাজা ওগরে, আর কনানর বেক্ রাজাগুনোরে মারে ফেলেয়্যে।

গীতসংহিতা 78:63

আগুনানে তারার গাবুজ্যেগুনোরে পুড়ি ফেলেল; তারার গাবুজ্যে মিলেগুনোত্যে মেলা গান ন-অলঅ।

যিরমিয় 2:16

ইয়েনি বাদেয়ো নোফ আর তফনহেষ শঅরর্ মানুচ্চুনে তঅ মাঢাবো মুড়েই দুয়োন।

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

আমোষ 2:2

সেনত্তে মুই মোয়াব উগুরে আগুন পাধেই দিম; সিয়েনে করিয়োতর্ ঘরানিরে পুড়ি ফেলেব। যুদ্ধোর্ ডাগ্ আর শিংগার রবো সমারে অমকদ যাগুলুক্ বাঁজিনে মোয়াবর অদপতন্ অবঅ।

সখরিয় 10:4

যিহূদাত্তুন্ কুণো পাত্তর্, তাম্বুলোর্ খুদো, যুদ্ধোর ধনু আর বেক্ শাজন্‌ গুরিয়্যেগুন এবাক্।

গণাণা 21:21

ইস্রায়েলীয়গুনে ইমোরীয়গুনোর রাজা সীহোন ইদু মানুচ্‌ পাদেইনে হোজোলী গুরিলাক্,

গণাণা 21:26

হিষ্‌বোন অলদে ইমোরীয়গুনোর রাজা সীহোনর রাজধানী। তে মোয়াব দেজর আগঅ রাজাবোর্‌ লগে যুদ্ধো গুরিনে তাত্তুন্‌ অর্ণোন গাঙ্‌ সং বেক্‌ দেজ্‌চান্‌ গজক্ গুরি নেযেয়্যে।

গণাণা 21:28

সীহোনর শঅর্‌ হিষ্‌বোনত্তুন্‌ আগুন্‌ নিগিলি এইনে মোয়াব দেজ্‌চান আর্‌ শঅরান্‌ পুড়ি দিলো আর অর্ণোন গাঙর্‌ ইদু উজু জাগানর আদাম্মেগুনোরে পুড়ি দিলো।

গণাণা 21:29

হায় মোয়াব! ও কমোশ দেবেদার মানুচ্চুন, তুমি ভস্ত ওই যেইয়ো। কমোশর পূঅগুনে ধেই যেইয়োন আর মিলেগুনে ইমোরীয়গুনোর রাজা সীহোনর বন্দিনী ওইয়োন।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?