যিরমিয় 48:42 - Chakma Bible

⁴² জাদ্ ইজেবে মোয়াবরে ভস্ত গরা অবঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে।

যিরমিয় 48:42 ပူးပေါင်းရင်းမြစ်များ

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

যিশাইয় 16:14

মাত্তর্ ইক্কিনে লগেপ্রভু কোইয়্যেদে, “চুক্তি গোজ্যে চাগরে যেধোক্ক্যেন্ গুরি বজর্ গুণে সেধোক্ক্যেন গুরি ঠিগ্ তিন বজর ভিদিরে মোয়াবর্ সয়সাগোজ্যে আর তার বোউত্ মান্‌জ্যরে ঈচ্ গরা অবঅ আর বাঁজি থেইয়্যে মানুচ্চুন্ অবাক জনেদি কম্ আহ্ বলপোজ্যে।”

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 7:8

কিত্তে অরামর মাঢাবো দামেস্ক বা কি আর দামেস্কর মাঢা রাজা রৎসীনই বা কন্না? পাচষট্টি বজর ভিদিরে ইফ্রয়িম এবাবোত্যেগুরি ভস্ত অবঅ, জাদ্ ইজেবে তে আর্ ন-থেবঅ।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

যিহিষ্কেল 35:13

তুই মঅ বিরুদ্ধে বাড়্‌বো গুরিনে বোউত্ কধা কোইয়োচ্। মুই সিয়েনি বেক্কানি শুন্যং।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

ফগদাং পেইয়্যে 13:6

সেক্কে সেই য়েমান্নো গোজেনর্ বিরুদ্ধে, তা নাঙানর্ আর তা থেবার জাগানর্ বিরুদ্ধে আর স্বর্গত্ যিগুনে থান্ তারার্ বিরুদ্ধে ভারী অগমানর্ কধা কুয়ো ধুরিলো।