যিরমিয় 48:35 - Chakma Bible

³⁵ মুই লগেপ্রভু কঙর্, মোয়াবত্ যিগুনে পূজোর্ অজল্ জাগানত্ উৎসর্বর অনুষ্ঠান গরন্ আর তারা দেব-দেবেদাগুনো নাঙে আগর্‌বাট্টি জ্বালান মুই তারারে শেজ্ গুরি দিম্।

যিরমিয় 48:35 ပူးပေါင်းရင်းမြစ်များ

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 16:12

মোয়াবে যেক্কে বুঝি পারিবো, তা পূজোবোর অজল্ জাগানত্ যেইনে লাভ্ ন-অর্ সেক্কে তবনা গুরিবাত্তে তে তা মন্দিরোত্ যেবঅ, মাত্তর্ সিয়েন্দোয়ো কনঅ লাভ ন-অবঅ।

যিরমিয় 11:13

যিহূদার যেদক্কানি শঅর্ আর আদাম আঘে সিদুক্কুন দেব-দেবেদায়ো আঘে, আর যিরূশালেমর যেদক্কানি পথ আঘে সেই লাজ্‌গরেপারা বাল দেবেদার নাঙে আগর্‌বাট্টি জ্বালেবাত্তে সিদুক্কুন পূজোয়ো বানা ওইয়্যে।‍‍

যিরমিয় 48:7

তুই যেক্কে তঅ কাম্ আর ধন উগুরে নির্ভর গোজ্যস্ সেক্কে তরেয়ো বানিনে নেযা অবঅ, আর কমোশ তা ধর্মগুরু আর রাজার চাগরুনো সমারে বন্দী ওইনে দূরোত্ যেবঅ।

যিরমিয় 7:9

তুমি দঅ চুর্, খুন, সিনেলি আর মিজে শমক্ খঅ আর বাল দেবেদাগুনো নাঙে আগর্‌বাট্টি জ্বালঅ। ইগুন বাদেয়ো যে দেবেদাগুনোরে তুমি ন-চিনো তুমি তারার পিজেদি যেইনে থাগঅ।

গণাণা 28:14

ঢালন-উৎসর্বত্তে পত্তি বলদ সমারে পৌনে দ্বিলিটার আংগুরো-রস দিয়্যে পুরিবো; ভেড়াছাগল্লো সমারে দিয়্যে পুরিবো এক পাবা আর এক এক্কো ভেড়াছাগল-ছঅ সমারে দিয়্যে পুরিবো প্রায় এক লিটার। ইবে অলঅ মাসিক পুজ্যে-উৎসর্ব। বজরর্‌ পত্তি মাজত্‌ ইবে গরা পুরিবো।