যিরমিয় 48:2 - Chakma Bible

² মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

যিরমিয় 48:2 ပူးပေါင်းရင်းမြစ်များ

যিশাইয় 15:1

মোয়াব পৌইদ্যেনে লগেপ্রভুর কধাগান ইয়েন: মোয়াব ভিদিরে আর্ নাঙে শঅরান্ আর মোয়াব ভিদিরে কীর শঅরান্ এক রেদো ভিদিরে ভস্ত ওই যেইয়্যে।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 16:14

মাত্তর্ ইক্কিনে লগেপ্রভু কোইয়্যেদে, “চুক্তি গোজ্যে চাগরে যেধোক্ক্যেন্ গুরি বজর্ গুণে সেধোক্ক্যেন গুরি ঠিগ্ তিন বজর ভিদিরে মোয়াবর্ সয়সাগোজ্যে আর তার বোউত্ মান্‌জ্যরে ঈচ্ গরা অবঅ আর বাঁজি থেইয়্যে মানুচ্চুন্ অবাক জনেদি কম্ আহ্ বলপোজ্যে।”

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিরমিয় 25:15

ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্‌চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।‌‌

যিরমিয় 25:17

সেক্কে মুই লগেপ্রভুর আঢত্তুন গলস্‌‌‌‌চো নিলুং আর তে যিদুক্কুন জাদ ইধু মরে পাদেয়্যে তারারে হাবেলুং।

যিরমিয় 31:36

তে কোইয়্যেদে, “যুনি এই সুদোমান মঅ চোগো মুজুঙোত্তুন্ লুগি ওই যায় সালে ইস্রায়েলীয়গুনেয়ো জাদ্ ইজেবে মঅ মুজুঙোত্তুন্ শেজ্ ওই যেবাক্।

যিরমিয় 33:24

“মানুচ্চুনে যিয়েন কদন, ‘লগেপ্রভু ইস্রায়েল আর যিহূদার মানুচ্চুনোরে বেঈ নেযেয়্যে, মাত্তর্ ইক্কিনে তারারে এলাফেলা গোজ্যে,’ সিয়েন কি তুই খিয়েল্ ন-গরচ্? তারা মঅ মানুচ্চুনোরে ঈচ্ গরন আর জাদ্ ইজেবে তারারে আর ন-দেগন্।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

যিরমিয় 48:17

তুমি যিগুনে তা চেরোকিত্তে বজত্তি গরঅ, যিগুনে তা সুনাঙ কধা হবর্ পঅ, তুমি বেক্কুনে তাত্তে আবিলেচ্ গরঅ। তারে কঅ, ‘খেমতাবলা রাজদন্ড, বাঈনী গরেদে লুদিক্ কেধোক্ক্যেন গুরি ভাঙি যেইয়্যে! ’ ”

যিরমিয় 48:42

জাদ্ ইজেবে মোয়াবরে ভস্ত গরা অবঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে।

যিরমিয় 48:45

“হিশ্‌বোনর ছাবাত্ ধেই যেইয়্যে মানুচ্চুনে অসহায় ওইনে থিয়্যেই আগন্, কিত্তে হিশ্‌‌‌‌‌বোনত্তুন আগুন আর সীহোনর ভিদিরেত্তুন্ আগুনোর জিল্ নিগিল্যে; সিয়েনে মোয়াবর কবালান আর বেজাল্ গোজ্যে বাড়্‌‌‌‌‌গোজ্যেগুনো মাঢাগুনোর তাল্লোগান পুড়ি দিয়্যে।

যিরমিয় 49:3

“ও হিশ্‌বোন, আবিলেচ্ গর্, কিত্তে অয় শঅর ভস্ত ওই যেইয়্যে। ও রব্বা শঅরর্ আদাম্মেগুন, কানঅ; বস্তা ফাদা উরিনে আবিলেচ্ গরঅ। দেবাল ভিদিরে দাবাদেদি গরঅ, কিত্তে তঅ দেবেদা মিল্‌‌কমে বন্দী ওইনে দূর দেজত্ যেবঅ, আর তা লগে যেবাক্ তার ধর্মগুরু আর দাঙর্ পোজিশন কামগুরিয়্যেগুনে।

যিরমিয় 49:37

যিগুনে তারারে মারে ফেলেবাত্তে চান্ সেই শত্রুগুনো মুজুঙোত্ মুই এলমীয়গুনোরে চুরমার গুরি দিম; মর্ অমকদ রাগত্ মুই তারা উগুরে দযা আনিম। তারারে শেজ্ গুরি ন-ফেলানা সং মুই তারা বিরুদ্ধে তলোয়ার পাদেম্।

গণাণা 32:37

রূবেণ-গুট্টির মানুচ্চুনে হিষ্‌বোন, ইলিয়ালী আর কিরিয়াথমিয় শঅর আর নবো, বাল্‌-মিয়োন আর সিব্‌মা নাঙে আদামানি ঠিগ্ গুরিলাক্। ঠিগ্ গুরি নেযেয়্যে আদামানির্‌ নূয়ো নাঙ্‌ দিয়্যে অলঅ। নবো আর বাল্‌-মিয়োন আদামর্‌ নাঙান্‌ বদলা ওইয়্যে।