যিরমিয় 46:2 - Chakma Bible

² যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ বাবিলর রাজা নবূখদ্‌নিৎসরে ইউফ্রেটিস গাঙর্ ইধু কর্কমীশত্ মিসরর রাজা ফরৌণ নখোরে যে সৈন্যদলুনোরে ওদেই দিয়্যে লগেপ্রভু তারা পৌইদ্যেনে কোইয়্যে,

যিরমিয় 46:2 ပူးပေါင်းရင်းမြစ်များ

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ রাজাবলী 23:33

ফরৌণ-নখো পেরায় চের্‌ টন রূবো আর ঊনচোল্লিশ কেজি সোনা কর্‌ ইজেবে যিহূদা দেজ উগুরে চাপি দিলো।

২ রাজাবলী 24:7

মিসরর রাজা যুদ্ধো গুরিবাত্তে তা রেজ্যগানত্তুন্‌ আর ন-নিগিলিলো, কিত্তেই বাবিলো রাজা মিসরর শুগুনো গাঙানত্তুন্‌ ইউফ্রেটিস গাঙান্‌ সং পুরো রেজ্যগান্‌ গজক্ গুরি নেযেল।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 19:19

সেদিন্যে মিসর দেজ ভিদিরে লগেপ্রভুর নাঙে এক্কো পূজো আর তা দুযিত্ এক্কো খুদো থেবঅ।

যিরমিয় 25:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্, অত্তাৎ বাবিলোর রাজা ‌‌‍‌নবূখদ্‌নিৎসরর ‌‌রাজাগিরির পত্তম বজরত্ যিহূদার বেক্ মানুচ্চুনো পৌইদ্যেনে গোজেনর কধা যিরমিয় ইধু ফগদাং অলঅ।‍‌

যিরমিয় 25:19

এ বাদেয়ো মুই সিয়েন হাবেলুং মিসরর্ রাজা ফরৌণ আর তার রাজকর্মচারীগুনোরে, তা দেজর্ নেতাগুনোরে আর তার্ বেক মানুচ্চুনোরে;

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 36:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্ লগেপ্রভুর এ কধাগান যিরমিয় ইধু ফগদাং অলঅ,

যিরমিয় 43:11

তে এইনে মিসরান আক্রমণ গুরিবো আর যিগুনে মরণত্তে ঠিগ্ ওই আগন তারার মরণ অবঅ, যিগুনে বন্দী অবাত্তে ঠিগ্ ওই আগন্ তারা বন্দী অবাক্ আর যিগুনে তলোয়ারত্তে ঠিগ্ ওই আগন্ তারা যুদ্ধোত্ মুরিবাক্।

যিরমিয় 45:1

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ যিরমিয় ইধু শুনিনে সিয়েনি নেরিয়র পুয়ো বারূকে গুচ্চ্যেই রাগেয়্যে বোইবোত্ লেখ্যে।

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’