যিরমিয় 44:28 - Chakma Bible

²⁸ যিগুনে যুদ্ধোর্ আঢত্তুন্ রেহাই পেইনে মিসরত্তুন্ যিহূদা দেজত্ ফিরি এবাক্ তারা জনেদি অবাক্ খুবই কম। সে পরেদি যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে এচ্চ্যন্ তারা হবর্ পেবাক্ কা কধা ঠিগ্ থেবঅ-মর্ না-তারার।

যিরমিয় 44:28 ပူးပေါင်းရင်းမြစ်များ

গীতসংহিতা 33:11

মাত্তর্ লগেপ্রভুর সল্লাগানি উমরত্তে টিগি থায়; তা মনান্ যুগে যুগে থিদেবর্ থায়।

যিশাইয় 10:19

তা ঝারানর্ বাদ-বাগি গাজ্‌‌‌‌চুন সোংখ্যেদি এদক কম্, এক্কো চিগোন গুরোয়ো সিগুন গুণিনে লিগি পারিবো।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিরমিয় 42:17

এ কধাগান সত্য যে, যিগুনে মিসরত্ যেইনে বজত্তি গুরিবাক্ বিলি ঠিগ্ গোজ্যন তারা বেক্কুনে সিদু যুদ্ধোত্, ভাদরাদত্ আর ভানালোই মুড়ি যেবাক্; যে দজাগান মুই তারা উগুরে আনিম সিয়েনত্তুন্ তারার একজনঅ ন-বাঁজিবাক্ বা সিয়েন ছাড়িয়ো ন-পারিবা।

যিরমিয় 44:13

মুই যেবাবোত্যেগুরি যিরূশালেমানরে সাজা দুয়োং, যিগুনে মিসরত্ বজত্তি গরদন্ তারারে মুই সেবাবোত্যেগুরি যুদ্ধোত্, ভাদরাদত্ আর ভানালোই সাজা দিম্।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”

যিরমিয় 44:29

মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

যিহিষ্কেল 6:8

“‘মাত্তর্ মুই কিজু মান্‌‌‌‌‌‌‌জ্যরে বাঁজেই রাগেম্; তুমি যেক্কে নানান্ দেজত্ আর জাদ ভিদিরে ছিদি পড়িবা সেক্কে সেই মানুচ্চুনে মরণর্ আঢত্তুন বাঁজিবাক্।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

গণাণা 14:41

মাত্তর্‌ মোশি কলঅ, “তুমি লগেপ্রভুর উগুমোর্‌ বিরুদ্ধে কিত্তে যর্‌? তমার্‌ এই কামান্‌ গম্‌ ন-অবঅ।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।