যিরমিয় 44:25 - Chakma Bible

²⁵ ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কোইয়্যে, তুমি কোইয়্যেদে, আগাজ-রাণী নাঙে আগর্‌বাট্টি জ্বালেবার আর পানীয়-উৎসর্বর অনুষ্ঠান গুরিবার যে শমক্‌কান্ তুমি গোজ্য সিয়েন তুমি হামাক্কায় পালেবা। তমা সে এগেম্ মজিম্ তুমি আর তমা মিলেগুনে কাম্‌‌‌বোই সিয়েনি দেগেয়্যে। “সেনত্তে তুমি যিয়েনি এগেম্ গোজ্য সিয়েনি গরঅ। তমা শমক্কানি রোক্ষ্যে গরঅ।

যিরমিয় 44:25 ပူးပေါင်းရင်းမြစ်များ

ইয়োব 34:22

এমন্ কনঅ আন্ধার জাগা বা ঘন ছাবা নেই যিয়েনত্ বজং কাম গোজ্যে মানুচ্চুনে পোইল্যে থেই পারন।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

মথি লেখ্যে গম্ হবর্ 14:9

সেক্কে রাজা হেরোদে মনত্ দুঘ্ পেলঅ, মাত্তর্ যিগুনে তা সমারে হেবাত্তে বোচ্চ্যন্ তারা মুজুঙোত্ শমক্ হেইয়্যে বিলিনে তে সিবে দিবাত্তে উগুম গুরিলো।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।