যিরমিয় 43:4 - Chakma Bible

⁴ এবাবোত্যেগুরি যোহানন, সৈন্যদলর বেক্ সেনাপতিগুন আর বেক্ মানুচ্চুনে যিহূদা দেজত্ থানা পৌইদ্যেনে লগেপ্রভুর উগুমান ন-মানিলাক্।

যিরমিয় 43:4 ပူးပေါင်းရင်းမြစ်များ

২ রাজাবলী 25:26

সেক্কে বাবিলীয়গুনোর দরে যিহূদার চিগোন-দাঙর্‌ বেক্‌ মানুচ্চুনে আর সেনাপতিগুনে মিসরত্‌ ধেই গেলাক্‌।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

উপদেশক 9:16

সেনত্তে মুই কলুং, “খেমতাত্তুন্ জ্ঞানান্ গম্,” মাত্তর্ নাঢা মান্‌জ্যর্ জ্ঞানান্ ঈচ্ গরা অয় আর তা কধানি কনজনে ন-শুনোন্।

যিরমিয় 41:16

সে পরেদি যোহানন আর তা লগে সৈন্যদলর বেক্ সেনাপতিগুনে গিবিয়োত্তুন মিসপার বাদবাগি বেক্ মানুচ্চুনোরে ফিরেই আনিলো। ইশ্মায়েলে গদলিয়রে খুন গরানার পরেদি যোহাননে তা আঢত্তুন্ এই বেক্ সৈন্যগুনোরে, মিলে আর ঝি-পুয়োগুনোরে আর রাজার চাগরুনোরে উদ্ধোর্ গুরিলো।

যিরমিয় 42:21

মুই এইচ্চ্যে সিয়েনি তমারে কলুং মাত্তর্ যেদক্কানি পৌইদ্যেনে কবাত্তে তমা গোজেন লগেপ্রভু মরে তমা ইধু পাদেয়্যে সিয়েনি তুমি এজঅ ন-পালঅ।

যিরমিয় 42:8

সেক্কে তে যোহনরে আর তা লগে সৈন্যদলর বেক্ সেনাপতিগুনোরে আর বেক মানুচ্চুনোরে ডাগিনে এগত্তর্ গুরিলো।

যিরমিয় 44:5

মাত্তর্ তারা সিয়েনত্ কান্‌‍অ ন-পাদন, মনযোগ্‌অ ন-দুয়োন; তারা তারার পাজিগানিত্তুন্ ন-ফিরোন বা দেব-দেবেদাগুনো ইধু আগর্‌বাট্টি জ্বালানাগান্‌অ ন-থামান।