যিরমিয় 42:22 - Chakma Bible

²² সেনত্তে ইক্কিনে তুমি হবর্ রাগ, তুমি যে জাগানত্ যেইনে বজত্তি গুরিবাত্তে চঅ সিয়েনত্ তুমি যুদ্ধো,ভাদরাত্ আর ভানালোই মারা পড়িবা।”

যিরমিয় 42:22 ပူးပေါင်းရင်းမြစ်များ

যিশাইয় 30:3

মাত্তর্ ফরৌণর আশ্রয়ান্ তারা লাজেবাক্ আর মিসরর্ ছাবাগান্ তারাত্তে অসর্মান্ আনিবো।

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 42:17

এ কধাগান সত্য যে, যিগুনে মিসরত্ যেইনে বজত্তি গুরিবাক্ বিলি ঠিগ্ গোজ্যন তারা বেক্কুনে সিদু যুদ্ধোত্, ভাদরাদত্ আর ভানালোই মুড়ি যেবাক্; যে দজাগান মুই তারা উগুরে আনিম সিয়েনত্তুন্ তারার একজনঅ ন-বাঁজিবাক্ বা সিয়েন ছাড়িয়ো ন-পারিবা।

যিরমিয় 43:11

তে এইনে মিসরান আক্রমণ গুরিবো আর যিগুনে মরণত্তে ঠিগ্ ওই আগন তারার মরণ অবঅ, যিগুনে বন্দী অবাত্তে ঠিগ্ ওই আগন্ তারা বন্দী অবাক্ আর যিগুনে তলোয়ারত্তে ঠিগ্ ওই আগন্ তারা যুদ্ধোত্ মুরিবাক্।

যিরমিয় 44:12

যিহূদার বাদবাগি যিদুক্কুন মানুচ্ মিসরত্ যেইনে বজত্তি গুরিবাক্ বিলিনে ঠিগ্ গোজ্যন্ তারা বিরুদ্ধে মুই এমন বেবস্থা গুরিম যেনে তারা বেক্কুনে মিসরত্ ভস্ত অয়। তারা বেক্কুনে যুদ্ধোত্ ন-অলে ভাদরাদত্ মুড়িবাক্। তারা অবাক্ ঠাট্টা-মশ্‌‌‌‌কারি আর ঈচ্ গরেদে মানুচ্; তারা অবস্থা দেগিনে মানুচ্চুনে আমক্ অবাক্, আর তারা নাঙানিলোই মানুচ্চুনে অভিশাব্ দিবাক।

যিহিষ্কেল 33:27

তুই তারারে কঅ, মুই প্রভু লগেপ্রভু মঅ জিংকানির্ নাঙে কঙর্, যিগুনে সেই ভস্তর্ জাগাত্ আগন তারা যুদ্ধোত্ মুরি যেবাক্, যিগুনে মাদত্ আগন তারারে হেবাত্তে মুই ঝার্‌‌বো য়েমানুনো ইধু তারারে দিম আর যিগুনে তাম্বুলোত্ আহ্ গাদত্ আগন তারা ভানালোই মুরিবাক্।

যিহিষ্কেল 6:11

সে পরেদি প্রভু লগেপ্রভু মরে কোইয়্যেদে, তুই আঢত্ আঢ্ দিইনে আর মাদিত্ টেঙ্ দিইনে জোরে আঘাত্ গর্ আর ইস্রায়েল জাদর্ বেক ভান্ন্যেই আর জঘন্য কামানিত্তে জোরে জোরে হাহাকার গর্, কিত্যে তারা যুদ্ধোত্,ভাদরাদে আর ভানালোই মুরিবাক্।

যিহিষ্কেল 6:12

যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।