যিরমিয় 42:17 - Chakma Bible

¹⁷ এ কধাগান সত্য যে, যিগুনে মিসরত্ যেইনে বজত্তি গুরিবাক্ বিলি ঠিগ্ গোজ্যন তারা বেক্কুনে সিদু যুদ্ধোত্, ভাদরাদত্ আর ভানালোই মুড়ি যেবাক্; যে দজাগান মুই তারা উগুরে আনিম সিয়েনত্তুন্ তারার একজনঅ ন-বাঁজিবাক্ বা সিয়েন ছাড়িয়ো ন-পারিবা।

যিরমিয় 42:17 ပူးပေါင်းရင်းမြစ်များ

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 38:2

যিরমিয় কোইয়্যেদে, “লগেপ্রভু এ কধাগান কোইয়্যেদে, ‘যে কনজনে এ শঅরত্ থেবাক্ তে অয় যুদ্ধোত্ নয় ভাদরাদত্ বা ভানালোই মুরি যেবঅ, মাত্তর্ যে কনজনে বাবিলীয়গুনো ইধু যেবঅ তে ন-মুরিবো। তে তার পরাণান্ কনমতে বাঁজেই পারিবো।

যিরমিয় 42:15

সালে যিহূদার বাদবাগি মানুচ্চুনে লগেপ্রভুর কধানি শুনো। ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, তুমি যুনি মিসরত্ যানাগান ঠিগ্ গুরি থাগঅ আর সিদু যেইনে বজত্তি গরঅ,

যিরমিয় 42:22

সেনত্তে ইক্কিনে তুমি হবর্ রাগ, তুমি যে জাগানত্ যেইনে বজত্তি গুরিবাত্তে চঅ সিয়েনত্ তুমি যুদ্ধো,ভাদরাত্ আর ভানালোই মারা পড়িবা।”

যিরমিয় 44:28

যিগুনে যুদ্ধোর্ আঢত্তুন্ রেহাই পেইনে মিসরত্তুন্ যিহূদা দেজত্ ফিরি এবাক্ তারা জনেদি অবাক্ খুবই কম। সে পরেদি যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে এচ্চ্যন্ তারা হবর্ পেবাক্ কা কধা ঠিগ্ থেবঅ-মর্ না-তারার।

যিহিষ্কেল 11:8

যে যুদ্ধোগানরে তুই দরাচ্ সেই যুদ্ধোগানরে মুই তমা বিরুদ্ধে আনিম।