যিরমিয় 41:16 - Chakma Bible

¹⁶ সে পরেদি যোহানন আর তা লগে সৈন্যদলর বেক্ সেনাপতিগুনে গিবিয়োত্তুন মিসপার বাদবাগি বেক্ মানুচ্চুনোরে ফিরেই আনিলো। ইশ্মায়েলে গদলিয়রে খুন গরানার পরেদি যোহাননে তা আঢত্তুন্ এই বেক্ সৈন্যগুনোরে, মিলে আর ঝি-পুয়োগুনোরে আর রাজার চাগরুনোরে উদ্ধোর্ গুরিলো।

যিরমিয় 41:16 ပူးပေါင်းရင်းမြစ်များ

২ রাজাবলী 25:23

বাবিলোর রাজা গদলিয়রে শাজন্‌‌গুরিয়্যে নেযেয়োন্‌ শুনিনে যিহূদার বাদবাগি সেনাপতিগুনে আর তারা মানুচ্চুনে, অত্তাৎ নথনিয়োর পুয়ো ইশ্মায়েল, কারেয়ের পুয়ো যোহানন, নটোফাতীয় তন্‌হূমতর পুয়ো সরায় আর মাখাথীয়োর পুয়ো যাসনিয় আর তারা মানুচ্চুনে মিস্পাত গদলিয়ো ইদু এলাক্‌।

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 42:8

সেক্কে তে যোহনরে আর তা লগে সৈন্যদলর বেক্ সেনাপতিগুনোরে আর বেক মানুচ্চুনোরে ডাগিনে এগত্তর্ গুরিলো।