যিরমিয় 41:10 - Chakma Bible

¹⁰ ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 41:10 ပူးပေါင်းရင်းမြစ်များ

নহিমিয় 2:10

ইস্রায়েলীয়গুনোরে ভালেদি গুরিবাত্তে এক্কো মানুচ্‌ এচ্ছ্যে শুনিনে হোরোণীয় সন্‌বল্লট আর অম্মোনীয় মুরুব্বী টোবিয় অমকদ বেজার্‌ অলঅ।

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

যিরমিয় 38:23

তর্ বেক মোগ্ আর ঝি-পুয়োগুনোরে বাবিলীয়গুনো ইধু নেযা অবঅ। তুই নিজেয়ো তারা আঢত্তুন্ রোক্ষ্যে ন-পেবে বরং বাবিল রাজা আঢত্ ধরা পুরিবে, আর এ শঅরান পুড়ি দিয়্যে অবঅ।”

যিরমিয় 39:6

বাবিলর্ রাজা রিব্‌লাদত্ সিদিকিয়র চোগো মুজুঙোত্ তা পুয়োগুনোরে মারে ফেলেল আর যিহূদার বেক্ রাজার চাগরুনোরে মারে ফেলেল।

যিরমিয় 40:14

“তুই কি হবর্ পাজ্, অম্মোনীয়গুনোর রাজা বালীসে তরে মারে ফেলেবাত্তে নথনিয়র পুয়ো ইশ্মায়েলরে পাদেয়্যে?”

যিরমিয় 40:7

সে অক্তত্ যিহূদার সৈন্যদলর যিদুক্কুন সেনাপতি আর তারা মানুচ্চুন্ খুলো মাদত্ এলাক তারা শুনিলাক্, অহীকামর পুয়ো গদলিয়রে বাবিল রাজা দেজর শাজন্‌গুরিয়্যে ইজেবে নেযেয়্যে আর যিগুনোরে বন্দী গুরিনে বাবিলোত্ নেযা ন-অয় দেজর্ সেই বেক্ নাঢা মরদ, মিলে আর পুয়ো-ঝিগুনোর ভারান তা আঢত্ দিয়্যে ওইয়্যে।