যিরমিয় 40:12 - Chakma Bible

¹² সেক্কে তারা যেদক্কানি দেজত্ ছিদি পোজ্যন সিয়েনত্তুন্ বেক্কুনে যিহূদা দেজর মিসপাত গদলিয় ইধু ফিরি এলাক্। তারা বোউত্ আংগুর-রস আর গরম কাল ফল থুবেলাক্।

যিরমিয় 40:12 ပူးပေါင်းရင်းမြစ်များ

গম্ উপদেজ্ 27:25

খেদত্তুন্ যেক্কে খেড়ানি কাবি ফেলা অবঅ আর নূয়ো ঘাস উদিবো আর মুড়োত্তুন্ ঘাস কাবিনে আনা অবঅ,

যিশাইয় 16:9

সেনত্তে মুই যাসের ধোক্ক্যেন সিব্‌মার আংগুর লুদিগানত্তে কানঙর্। ও হিষ্‌বোন, ও ইলিয়ালী, মুই চোগো পানিয়ে তমারে ভিজেম্। পাগানা ফল আর খেত্-খেত্তিগানি কাবিবাত্তে তমা হুজির্ রঅ ছাড়ানা থামেই দিয়্যে ওইয়্যে।‍

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

যিরমিয় 40:13

পরেদি কাহেরর পুয়ো যোহানন আর খুলো মাঢত্ থেইয়্যে সৈন্যগুনোর বেক্ সেনাপতিগুন মিসপাত্ গদলিয় ইধু এইনে তারে কলাক্,

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 43:5

যিহূদার বাদবাগি যিদুক্কুন মানুচ্ বেক্ জাদ্‌‌তুনো ভিদিরে ছিদি পোজ্যন্ আর সিয়েনত্তুন্ যিহূদা দেজত্ বজত্তি গুরিবাত্তে ফিরি এচ্চ্যন্ তারারে নিইনে যোহানন আর বেক্ সেনাপতিগুনে মিসরত্ গেলাক্।

যিরমিয় 44:18

মাত্তর্ যেক্কেত্তুন্ ধুরি আমি আগাজ-রাণী নাঙে আগর্‌বাট্টি জ্বালানা আর পানীয়-উৎসর্ব গরানা ন-থামেলং, সেক্কেত্তুন ধুরি আমার্ অভাব অর্ আর আমি যুদ্ধো আর ভাদ রাদে ভস্ত ওই যের্।”

যিহিষ্কেল 34:6

মর্ ভেড়াগুন বেক মুড়ো-মুড়িগুনোত্ ঘুরি বেড়াদন্। তারা পুরো পিথ্‌তিমীগানত্ ছিদি পোজ্যন; কনজনে তারারে ন-তগান্।