যিরমিয় 4:30 - Chakma Bible

³⁰ ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিরমিয় 4:30 ပူးပေါင်းရင်းမြစ်များ

২ রাজাবলী 9:30

ইয়েনর্ পরেন্দি যেহূ যিষ্রিয়েলত্‌ গেলঅ। ঈষেবলে সে কধাগান শুনিনে চোগোত্‌ কাজল্‌ দিইনে আর দোল্‌ গুরি চুল বানিনে জান্দালান্দি চেলঅ।

গম্ উপদেজ্ 6:25

তা দোলান্ চেইনে তুই লুভ্ ন-গুরিচ্, তা চোগো পাদাত্ তুই নিজোরে বন্দি অবাত্তে ন-দিচ্;

গম্ উপদেজ্ 7:10

সে অক্তত্ এক্কো মিলে তা লগে দেগা গুরিবাত্তে নিগিলি এলঅ; তা কিয়্যেত্ বেশ্যেমিলের্ পজাক্ উজ্যে আর তা মনান্ এলদে ছলনালোই ভরা।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 20:6

সেদিন্যে সাগর পার আদাম্মেগুনে কবাক্, ‘চঅ, যিগুনো উগুরে আমি বিশ্বেজ্ গোজ্যেই আর বল্ পেবাত্তে আর আসিরিয়ার রাজা আঢত্তুন্ রোক্ক্যে পেবাত্তে যিগুনো ইদু যেইয়্যেই তারার অবস্থা কি ওইয়্যে। সালে আমি কেধোক্ক্যেন গুরি বাঁজিবোং?’ ”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 4:17

তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

ওবদিয় 1:7

তর্ বেক সমাজ্যেগুনো-রেজ্যগানিত্ তর্ ধেই যেইয়্যে মানুচ্চুনোরে তারা দুযিত্ সোমেবাত্তে ন-দিবে। তঅ সমাজ্যেগুনে তরে ঠোগেবাক্ আর তরে ভিরেবাক্, যিগুনে তঅ হানা খান্ তারা তত্যেই ফাল্ ফাদিবাক্ মাত্তর্ তুই কিচ্চু বুঝি ন-পারিবে।”

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ফগদাং পেইয়্যে 17:13

এই রাজাগুনোর উদ্দেচ্য এক্কুই, আর তারা বেক্কুনে তারার্ খেমতা আর অধিকার সেই য়েমান্নোরে দিবাক্।

ফগদাং পেইয়্যে 17:2

পিত্‌থিমীর রাজাগুনে তা সমারে বেভিচের্ গোজ্জ্যন, আর যিগুনে এ পিত্‌থিমীর সিগুনে তার্ বেভিচারর্ আংগুর-রসে মাত্তল্ ওইয়োন।”

ফগদাং পেইয়্যে 17:4

সেই মিলেবো বিগুনি আর রাঙা রংয়র্ পোজাক্ এলঅ আর তা কিয়্যেত্ সনা, মংগা মংগা পাত্তর্ আর মুক্তোর গয়না এলঅ। জঘণ্য জিনিচ্‌ আর তার্ বেভিচারর্ কজরালোই ভরা এক্কো সনার কদরা তা আঢত্ এলঅ।