যিরমিয় 4:26 - Chakma Bible

²⁶ মুই রিনি চেলুং লগেপ্রভুর মুজুঙোত্, তার দর্‌গরেপারা রাগর্ মুজুঙোত্ বোল্‌‌‍‌‍বোল্যে দেজ্‌‌‍চান ধূল্যেচর ধোক্ক্যেন ওই যেইয়্যে; তার বেক্ শঅরানি ভস্ত ওই পড়ি আঘে।

যিরমিয় 4:26 ပူးပေါင်းရင်းမြစ်များ

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।