যিরমিয় 4:21 - Chakma Bible

²¹ কয়দিন মরে যুদ্ধোর্ বাবতা চাহ্ পুরিবো আর শুনো পুরিবো শিঙের রঅ?

যিরমিয় 4:21 ပူးပေါင်းရင်းမြစ်များ

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

২ বংশধর 36:3

মিসরর রাজা নখো যিরূশালেমত্‌ তারে সিংহাসনত্তুন্‌ সোরেই দিইনে যিহূদার উগুরে পেরায়্‌ চের্‌ টন্‌ রূবো আর ঊনচোল্লিশ কেজি সোনা কর্‌ বোজেল।

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 42:14

আর যুনি তুমি কঅ, আমি যেইনে মিসরত্ বজত্তি গুরিবোং; সিদু আমি যুদ্ধোও ন-দেগিবোং, শিঙের রয়ো ন-শুনিবোং, হানার অভাবে পেদঅ ন-পুরিবো,

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।