যিরমিয় 4:10 - Chakma Bible

¹⁰ সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 4:10 ပူးပေါင်းရင်းမြစ်များ

যাত্রা 5:22

সেক্কে মোশি ফিরি যেইনে লগেপ্রভুরে কলঅ, “ও প্রভু, এ জাদ্‌তোরে কিত্যে তুই দুগোত্‌ ফেলেয়োচ্‌? কিত্যে বা তুই মরে পাদেয়োচ্‌?

যাত্রা 9:14

ইয়েন পরেদি তমা উগুরে আর তমা কামগুরিয়েগুন্‌ আর মানুচ্চুনো উগুরে মুই মর্‌ নানান বাবোত্যে আঘাত পাধেই দিম। সেক্কে তুই বুঝি পারিবেদে, গোদা পিত্‌থিমীয়ানত্‌ মঅ ধোক্ক্যেন কনঅ জন নেই।

যিশাইয় 30:10

তারা রিনি চেইয়্যেগুনোরে কন্দে, “তুমি আর দর্শন ন-চেয়ো,” আর ভাববাদীগুনোরে কন্দে, “যিয়েন সত্য সিয়েন আমারে আর্ ন-কোয়ো। আমা ইদু গম্ হবরর্ কধা কঅ; যিয়েন সত্য নয় এবাবোত্যে বেক্ বেপারানির আগাম্ কধা কঅ।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 63:17

ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 4:18

তর্ আচার-বেবহার আর তর্ বেক্ কামানিত্তে ইয়েনি তঅ উগুরে এচ্চ্যে। ইয়েন তর্ পাজি কাম্ গরানার সাজা। ইয়েন অমকদ তিদে; ইয়েন তর্ মনানরে সেল্ মাজ্যে।”

যিরমিয় 5:12

তারা লগেপ্রভুর পৌইদ্যেনে মিজে কধা কদন্। তারা কদন, “তে কিচ্চু ন-গুরিবো। আমার কনঅ খেতি ন-অবঅ; আমি কনদিন্‌অ যুদ্ধো বা ভাদড়াত্ ন-দেগিবোং।

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিরমিয় 8:11

তারা মঅ মানুচ্চুনোর ঘা গানি এমনগুরি বানি দুয়োন যেন সিয়েন বিশেষ কিজু নয়। তারা কন্দে ‘শান্তি, শান্তি,’ মাত্তর্ আজলে শান্তি নেই।

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

যিহিষ্কেল 11:13

মুই যেক্কে ভাববাদী ইজেবে কধা কোইয়োং সেক্কে বনায়র পুয়ো প্লটিয় মুরি গেলঅ। সেক্কে মুই মাঢা নিগিরি পড়িনে আবেগ সমারে দাঙর্ দাঙর্ গুরি কলুং, “হায়, প্রভু লগেপ্রভু! তুই কি ইস্রায়েলর বাদবাগি মানুচ্চুনোরে বেক্কুনোরে শেষ্ গুরি দিবে?”

রোমীয় 1:24

ইয়েনত্যে গোজেনে মান্‌জ্যরে তার্ মনর্ কামনা-বাসনা মজিম্ জঘন্য কাম্ গুরিবাত্তে ইরি দিয়্যে। যেরেদি তারা একজন আরেক জন লগে জঘন্য কাম্ গুরিনে নিজো কিয়্যেগানিরে অসর্মান গোজ্যন্।

রোমীয় 1:26

মানুচ্‌ ইয়েনি গোজ্জ্যন্ বিলিনে গোজেনে লাজত্ পড়েদে কামনার্ আঢত্ তারারে ইরি দিয়্যে। মিলেগুনেয়ো মরদ সমারে তারার্ স্বাভাবিক বেবহারর্ বদলে অন্য মিলেগুনো সমারে অস্বাভাবিক্ গুরিনে বজং কাম্ গোজ্জ্যন্।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।