যিরমিয় 39:4 - Chakma Bible

⁴ যিহূদার রাজা সিদিকিয় আর তার বেক্ সৈন্যগুনে তারারে দেগিনে ধেই গেলাক্; তারা রেদো অক্তত্ রাজার বাগান পথ্‌তান ধুরিনে দি দেবাল গেদো ইন্দি শঅরান ছাড়িনে অরাবা ইন্দি গেলাক্।

যিরমিয় 39:4 ပူးပေါင်းရင်းမြစ်များ

২ বংশধর 32:5

হিষ্কিয় দেবালর বেক্‌ ভাঙা কট্টানি আর অজল্‌ চুগিদার-ঘরানি ঠিগ্‌ গুরিনে নিজোরে দরমর গুরিলো। ইয়েনিবাদে সে দেবাল বারেন্দি তে আর এক্কান্‌ দেবাল বানেল আর দায়ূদ-শঅর মিল্লো আরঅ দরমর গুরিলো। তে বোউত্‌ আত্যের্‌ আর ঢাল্‌ বানেল।

যিশাইয় 22:11

পুরোণ পোরো পানিগান রাগেবাত্তে তুমি দি দেবাল সংমোধ্যে এক্কান জাগা বানেয়ো। মাত্তর্ যিবে এ অবস্থাগান ঘোদেয়্যে তুমি তান্দি ন-চেলা, বা ভালোক্ দিন আগে যিবে এ বেক্কানি পরিকল্পনা গোজ্যে তা উগুরে তমার্ ভোক্তি ন-এলঅ।

যিশাইয় 22:3

তঅ নেতাগুন বেক্কুনে একসমারে ধেই যেইয়োন্; ধনু বেবহার ন-গুরিনে তারারে ধরা ওইয়্যে, যুনিয়ো তারা দূরোত্ ধেই যেইয়োন্ তো তারারে বেক্কুনোরে একসমারে বন্দী গুরিনে নেযা ওইয়্যে।

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিরমিয় 32:4

যিহূদার রাজা সিদিকিয় বাবিলো রাজা আঢত্তুন্ রেহাই ন-পেবঅ বরং তারার রাজার আঢত্ তারে ঘেচ্চেকগুরি তুলি দিয়্যে অবঅ। বাবিলো রাজার মুয়োমি ওইনে তে কধা কবঅ আর নিজো চোগেদি তারে দেগিবো।

যিরমিয় 32:5

বাবিলোর রাজা সিদিকিয়রে বাবিলোত্ নেযেবে আর যেদক্কন সং মুই তাইন্দি মনযোগ ন-দিম্ সেদক্ ভিলোন সং তে সিদু থেবঅ। সেনত্তে বাবিলীয়গুনো সমারে যুদ্ধো গুরিলেয়ো তুমি ফোলেই ন-পারিবা। ”

যিহিষ্কেল 12:12

তারা ভিদিরে শাজন্‌গুরিয়্যেবো আন্ধারত্ তার পযাপিরানি কানাত্ তুলিনে নিগিলিবো আর দেবালত্ গাঢ্ কুড়ো অবঅ যেনে তে সিবে ভিদিরেদি নিগিলিনে যেই পারে। তে তার্ চোগ্‌কুন নাঢিবো যেনে তে তা দেজর্ মাদিগান ন-দেগে।

যিহিষ্কেল 12:4

দূরোত্ বন্দী ওই যেবাত্তে তর্ গুচ্চ্যেয়ে পযাপিরানি দিনোত্ তারা চোগো মুজুঙোত্ বারেদি নিগিলেবে। সে পরেদি সাজোন্যে অক্তত্ দূরোত্ বন্দী ওইনে যাইদ্যে ধোক্ক্যেন গুরি তারা চোগো মুজুঙোত্ আঢা মারিবে।

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

লেবীয় 26:36

তমা ভিদিরেত্তুন্‌ যিগুনে শত্রুগুনোর্‌ দেজত্‌ বাঁচি থেবাক্ তারার্‌ মনত্‌ মুই এমন্‌ দর্‌ ভোরেই দিম্‌, বোইয়্যেরত্‌ পাদা লড়িবার্‌ রঅবোলোইয়ো তারা ধেই যেবাক্। যুদ্ধোর্‌ দরে যেধোক্ক্যেন গুরি মান্‌জে ধেই যান্‌ সেধোক্ক্যেন গুরি তারা ধেই যেবাক্। পিজেন্দি কনজনে লোড়েইনে ন-গেলেয়ো তারা দাবা যাদে উজোত্‌ হেইনে পড়ি যেবাক্।

আমোষ 2:14

যিগুনে যাদিমাদি দাবা দি পারন তারা নিজোরে রোক্ষ্যে গুরি ন-পারিবাক্, বোলীগুনে তারার্ বলান্ দেগেই ন-পারিবাক্ আর যোদ্ধাগুনে নিজো পরাণান্ বাজেই ন-পারিবাক্।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।